[A:10a] mngal skyes thams cad kyis mi thub par byin gyis brlabs pa brtul nas/ phyis nang pa la zhugs nas slob dpon dpa' bo zhes pa dang/ slob dpon sangs rgyas bskyangs shes mchog brnyes pa dang/ slob dpon legs ldan 'byed ces pa sku lus de nyid spyan ras gzigs kyi zhing khams su gshegs par grags pa dang / sngar bshad pa'i slob dpon na ga bo dhi zhes pa rig pa 'dzin pa'i sa thob nas lho phyogs dpal gyi ri la da lta'ang bzhugs te/ skal bar ldan pa rnams la dngos su byin gyis rlob pa sogs mchog dang thun mong gi dngos sgrub brnyes pa'i slob ma bsam gyis mi khyab pa byon pa'i nang nas/ 'phags pa'i dgongs pa gsal bar mdzad pa'i mchog dpal ldan zla ba grags pa ni/ yul rgya gar lho phyogs sa ma na zhes pa'i grong sa mantar/ yab bram ze gri ri/ yum zla ba'i sgron ma gnyis la sras med pa lha dbang phyug chen po la gsol ba btab pas/ khye'u mtshan dang ldan pa rme ba'i ga sha can cig 'khrungs/ mtshan mkhan la bstan pas/ 'di ming zla ba grags pa ste/ stong nyid ting 'dzin smra bar byed/ ces dang/ de nas dbang phyug chen po la dris pas/ 'di ming zla ba grags pa ste/ 'di ni nga yi rigs 'das nas/ sgra gcan 'dzin nas bdun 'das pa'i/ mkhan po zla ba'i mgon po la/ na lenDa yi gtsug lag khang/ rab byung dge slong chen por 'gyur/ stong nyid ting 'dzin smra bar byed/ sangs rgyas bstan pa 'di yis bskyong skyong / zhes lung bstan pas/ yum gyi bsam pa la/ pha'i rigs mi 'dzin pa'i bu ma skyes pa dang 'dra zer nas/ mkhan po zla ba'i mgon po la phul/ rab tu byung ste mdo rgyud kyi tshig don la sbyangs/ klu sgrub yab sras kyi gsung rab la brten nas mkhas pa chen por gyur/ skye ba lnga brgyar 'phags pa