[A:11a] lo gsum brgya'i bar du bzhugs so/ de'i slob ma rig pa'i khu byug chung ba ni/ thog mar mtshan nyid theg pa la mkhas par sbyangs/ klu sgrub yab sras kyi dgongs pa thugs su chud de/ rdo rje theg pa'i lam la brten nas mchog gi dngos grub brnyes so/ bla ma kha gcig 'di ri nag po'i khong seng na bzhugs pa'i bla ma a ba dhu tI pa dang don gcig gsung gsungs la/ zab mo lta ba'i brgyud pa de dag gi yon tan rdzogs par a ti sha la mnga' ba yin no/ shing rta'i srol 'byed gnyis pa rgya chen spyod pa'i brgyud
pa
thogs med sku mched byon tshul ni/ mdo dgongs 'grel gyi 'grel chen du lung drangs par/ nga ni mya ngan 'das 'og tu/ lo ni dgu brgya lon pa na/ zhes dang/ 'jam dpal rtsa rgyud las/ thogs med ces bya'i dge slong ni/ de ni bstan bcos don la mkhas/ mdo sde nges don drang ba'i don/ rnam pa mang po rab tu 'byed/ 'jig rten rig pa ston bdag nyid/ gzhung 'byed ngang tshul can du 'gyur/ de yis rig pa grub pa ni/ sa la'i pho nya mo zhes brjod/ de yi sngags kyi mthu yis ni/ blo ni bzang po skye bar 'gyur/ bstan pa yun ring gnas bya'i phyir/ mdo yi de nyid don bsdud byed/ lo ni brgya dang lnga bcur 'tsho/ de lus zhig nas lha yul 'gro/ 'khor ba rnams su 'khor ba na/ yun ring bde ba rjes myong nas/ bdag nyid chen po mthar gyis te/ byang chub thob par 'gyur ba yin/ zhes lung bstan te/ de yang chos mngon pa la dgra lan
gsum byung ba'i tshe/ bram ze mo dpal gsal ba'i tshul khrims shes zhes pas/ rgyal po'i rigs thogs med dang/ bram ze'i rigs dbyig gnyen gnyis lus las bskrun te/ cher skyes pa'i tshe pha'i las gang yin dris pas/ ma na re/ khyod de'i phyir ma skyed kyi