[A:14a]nas brgyud pa/ panDi ta mgrin pa gsum pa nas brgyud pa'i man ngag rdzogs par mnga' ba yang ku sA li che ba yin/ 'phags pa thogs med kyis byams pa mnyes par byas pa las byung ba/ rgya chen spyod pa'i brgyud pa'i chos ma lus par mnga' ba yang ku sA li che ba yin no/ zhes gsungs so/ de'i slob ma ku sA li chung ba yin te/ byams pa kho na khyad par du bsgom pas byams pa'i rnal 'byor pa zhes par yang grags la/ bla ma 'di la ku sA li che ba'i yon tan ma lus pa mnga' la/ gser gling pa'i yang bla ma yin la/ bla ma 'dis byams rnying rje byang chub kyi sems dgyer sgom rdo rje'i gru'i don yun ring du bsgoms shing zhal thon du mdzad pas/ re shiiig na chu bo gangga'i 'gram du bcom ldan 'das byams pa lha'i rgyal po'i cha byad du byon nas chos gsungs so/ ku sA li chung ba'i yon tan rdzogs par mnga' ba dpal ldan a ti sha yin yang/ bla ma gser gling pa bsten pa las 'phros te/ de'i lo brgyus rgyus ni/ gser gling zhes pa gling bzhi gling phran brgyad gang du yang ma gtogs pa/ dzam 'dzam bu'i gling du nye ba/ rin po che sna tshogs yod gling de la gser gling zhes zer/ der res nang pa'i bstan pa/ res phyi pa'i bstan pa 'byung ba la/ de dus phyi pa'i
bstan pa
yod/ gling de'i rgyal po'i sras rgyal bu si na zhes par 'khrungs ma thag dkon mchog gsum la skyabs 'gro mdzad pas/ mu stegs byed kyi blo la ma ran kyang rgyal po'i sras su song bas ci yang byed ma nus/ rgyal bu lo drug bdun lon dus nags gseb tu byon pas/ thub pa'i gser sku mtho gang tsam zhig rnyed pa de la phyag mchod 'ba' zhig mdzad pas/ thub pa dngos su byon te gser gling pa'i dbu la phyag gis byugs/ sku lus