[A:15a]rgyal srid ni dman pa'o/ dam pa ma yin pa'o/ dam pa las ring du byed pa'o/ khyod kyis chos kyi rgyal srid 'dzin nus sam/ zhes lan gsum gsung gsungs / rgyal bus kyang nus so zhes lan gsum khas blangs pa na gnyid sad de/ slob dpon dngos su bzhugs nas byin gyis brlabs te/ sangs rgyas kyi bka'i gdams pa rnams gnang/ khyad par du byang chub kyi sems la brten pa'i chos mang du gsungs/ chos thams cad kyi gnas lugs thugs su chud de/ mtshan chos kyi grags par btags so/ de nas gser gling du byon te mu stegs pa rnams chos kyis tshar bcad/ sangs rgyas kyi bstan pa la bkod/ chos dang zang zing gi dpal 'byor rgyas par mdzad de lo brgya dang lnga bcu bzhugs/ mdor
na
chos kyi grags pas dzam 'dzam gling khyab pas mtshan don dang ldan pa yin gsung gsungs / de la slob ma'i mchog paNDi ta chen po bzhi ni/ shAnti pa/ jo bo rje/ dznyA na shrI mi tra/ ratna kIrti rnams las yon tan rdzogs par mnga' ba ni jo bo yin te/ thog mar mjal ba'i tshul/ gser gling pa de nyid/ sangs rgyas pa thams cad kyi gtsug gi nor bu/ khyad par byams snying rje las brtsams te chos ston pa gcig yod zer ba'i snyan pa jo bos gsan pas/ sku tshe dpag tu med pa'i bla mar mkhyen nas mtshan thos pa tsam gyis dad gus dpag tu med pa 'khrungs/ brtson pa chen pos paNDi ta sa'i snying po la sogs pa'i 'khor mang po dang bcas te/ nor bu len pa'i tshong pa dang 'grogs nas rdzings bcangs chen po bcas te byon pa la/ dbang phyug la sogs pas bar chad brtsams te/ dung dang 'o ma la sogs pa'i mtsho du mar rlung gis ded kyang gnod pa med cing/ gshin rje gshed kyi skur sprul nas btul ba dang/ gser gling du yang dzam 'dzam bu gling nas paNDi ta chen pa gcig byon pa'i grags pa byung bas/ dge 'dun rnams kyis bsu ba mdzad tshul