[A:15b]rnam thar chos kyi 'byung gnas su gsal lo/ de nas bla ma dang mjal bas gcig la gcig ngo mkhyen par gyur te/ jo bo'i dbu la phyag gzhag nas shis pa mang po brjod/ bla ma'i zhal nas/ khyod byams snying rje byang chub kyi sems la slob nus sam/ 'dir lo bcu gnyis sdod khom mam gsung ba la/ jo bos zhal gyis bzhes pas mnyes te/ bstan pa'i bdag par mnga' gsol ba'i rten 'brel yin gsungs nas sngar rnyed pa'i
ston
pa'i gser sku yang gnang/ de nas lo bcu gnyis su dbu sngas sbrel te theg pa chen po'i chos mtha' dag gsan/ shing rta chen po'i srol rgya chen spyod pa'i brgyud kyi yon tan thams cad rdzogs par mdzad pas/ bla ma rnams kyi nang nas bka' drin mchog tu 'dzin par mdzad do/ dbu ma'i lta ba'i gnad rnams ni gser gling pa la yar bstan cing/ gsang sngags kyi chos rnams gsan res mdzad ces rnam thar las 'byung zhing/ gzhan yang bka' gdams kyi rnam thar dkon mchog gi mchod pa phun sum tshogs pa'i srol yang/ bla ma gser gling pa'i phyag srol yin gsung/ rgyas par gzhan du blta'o/ | rgyud pa gsum pa nyams len byin brlabs kyi brgyud pa/ theg pa chen po gasngags la/ chos khungs btsun par rtogs pa'i phyir/ rgyud gsungs tshul nas brgyud pa zam ma chad par gong ma rnams kyang 'dod pa ring brgyud dang/ he ru ka dang/ ye shes kyi mkha' 'gro ma la dngos su chos gsan nas/ de nyid las brgyud pa nye brgyud dang gnyis las/ dang po ni/ slob dpon kun dga' snying po'i bzhed pa khyab 'jug la sogs pa'i rgyud la mngon bar dga' zhing/ yul yongs su mi spong ba'i 'dod chags can rnams rjes su gzung ba'i don du gzhan 'phrul dbang byed kyi gnas su gsang ba 'dus pa gsungs par bzhed