[A:16a]rab tu sgron gsal las kyang/ dga' ldan du rgyud sde thams cad bstan par bzhed do/ bod kyi bla ma dag gi bzhed pas u rgyan du gsungs par bzhed de/ de yang rgyal po intra bhu tis nam mkha' la nyan thos kyi dge 'dun snga dro shar nas nub dang/ phyi dro
nub
nas shar du 'gro ba gzigs nas ci yin dris pas/ sangs rgyas shAkya thub pa'i nyan thos so zer ba thos nas dad pa skyes/ mchod pa rgya chen po bshams te/ bsdoms 'khor dang bcas pa bdag gi gnas 'dir gshegs su gsol zhes gsol ba btab pas/ bsdoms 'khor dang bcas pa der byon pa la mchod pa dang
bsnyen bkur gyis mnyes par byas nas/ bdag kyang thams cad mkhyen pa'i lam la 'god par zhu zhes zhus pas/ khyim nas khyim med par rab tu byung la bslab pa gsum la slobs shig/ ces bka' bstsal pa dang/ bdag 'dod yon la longs spyod bzhin du 'tshang rgya ba'i thabs zhu 'tshal zhes zhus pas/ ston pas sprul sku'i snang ba bsdus te/ dpal gsang ba 'dus pa'i dkyil 'khor sprul nas/ rgyal po intra bhu ti la sogs pa skal ba dang ldan pa rnams la rig pa'i dbang bskur/ dpal gsang ba 'dus pa'i rgyud bstan nas/ rdo rje chos la rgyud gtad par bzhed do/ de nas gnas o rgyan du sdud pa po phyag na rdo rjes/ dus bcom ldan 'das bzhugs pa'i dus nyid du sngar gyi rgyuud sde mtha' dag bsdus nas rgyal po intra bhu ti 'khor dang bcas pa la gnang/ de dag gis kyang dngos grub thob par gyur pas/ rang bzhin gyis grub pa'i dpa' bo dang/ rnal 'byor ma zhes bya'o/ de nas o rgyan gyi yul de stongs nas mtsho chen po klus gang ba gcig tu gyur/ de nas yang phyag na rdo rjes rgyud mtha' dag glegs bam la bris nas/ mtsho'i klu de rnams