[A:16b] la gtod smin par mdzad pas/ de rnams rim gyis mi gzugs su bsgyur te mtsho'i 'gram du grong khyer byas nas/ rdo rje'i theg pa nyams su blangs pas phal cher grub pa brnyes par gyur te/ skyes pa rnams ni dpa' bo/ bud med rnams ni mkha' 'gro mar gyur te/ de'i tshe sgrub pa'i skal ba med pa rnams gzhan du dengs te/ mtsho de yang bskams par gyur nas/ de'i shul du he ru ka rang byung gi lha khang zhes bya ba byon/ der ye shes kyi dpa' bo dang mkha' 'gro ma bzhugs shing/ phyag na rdo rjes gsang ba 'dus pa la sogs pa'i rgyud sde rnams rin po che zhun mas bris pa'i glegs bam de rnams la gtad do/ de nas rdo rje theg pa rgya gar du dar ba'i tshul ni/ de'i tshe rgya gar lho phyogs o dhya sha na rgyal po bi su kalpa zhes bya ba mtshan nyid kyi theg pa la mkhas pa zhig
bzhugs
pa ste/ de'i thugs dgongs la pha rol du phyin pa'i tshul 'dir las dang po pas/ 'dod yon spangs nas dka' thub dang dka' spyad kyis bslab pa gsum gyi lam bsgoms te/ nyon mongs spangs nas byang chub bsgrub par gsungs pa gtso cher snang la/ yang mdo las/ sems can nyid byang chub yin pa de'i phyir/ byang chub sems dpa' zhes bya'o/ zhes sogs dbang po rnon pos dang po nas sems can sangs rgyas su bsgom pa'i tshul dang/ gzhan yang mdo sdud pa dang/ 'od srungs kyis zhus pa las kyang/ 'dod yon la spyod bzhin du bslab pa gsum la slob pa'i tshig gi sa bon byung ba las/ nyams su len tshul gsal bar bstan pa ma byung bas/ de lta bu'i theg pa mchog gcig dang mjal bar shog cig ces smon pa'i tshe/ rmi lam du mkha' 'gro mas khyod de lta bu'i theg pa mchog 'dod na/ 'di nas byang phyogs su phyin pa na dpal o rgyan gyi yul zhes bya bar he ru ka rang byung gi lha khang na dpal gsang ba 'dus pa la sogs pa'i rgyud sde