[A:17a] rin po che rnams ye shes kyi mkha' 'gro mas bdag byas nas yod pas/ der song la zhus shig ces lung bstan no/ der rgyal pos dpal o rgyan gyi gnas su byon/ he ru ka rang byung gi lha khang gi sgo bzhi la rim pa bzhin phyag dang/ slar yang shar sgo nas phyag byas gsol ba btab pas/ bud med gcig byung ste de ni klu las gyur pa'i rnal 'byor mar grags/ des khyod rgyal po bi su kalpa yin nam gsung gsungs yin zhus pas lha khang gi nang du khrid/ dpal gsang ba 'dus pa'i dkyil 'khor du mngon sum du bcug/ dbang bskur/ rgyud bshad/ gdams pa dang rjes su bstan pa mtha' dag gnang nas glegs bam gtad/ des kyang de'i don nyams su blangs pas phyag rgya chen po mchog gi dngos grub brnyes so/ de'i tshe yu rA Da'i bram ze gcig la sras bzhi yod de/ de rnams gzhon nu'i dus nas sgra'i bstan bcos la sogs pa rig pa'i gnas rnams la legs par sbyangs nas/ phyis bstan pa la dad par gyur pa dang/ de'i nang nas gcig sras sgra gcan 'dzin bzang po las rab tu byung ste/ mtshan yang sgra gcan 'dzin bzang por btags so/ des phyi mtshan nyid kyi sde snod la legs par sbyangs pas mkhas pa chen por gyur te/ dpal bi kra ma la shI la'i gtsug lag khang gi mkhan po mdzad de/ bstan pa'i bya ba rgya cher mdzad pa dang/ rgyal po bi su kalpa la mkha' 'gro mas gnang ba'i gsang sngags kyi chos yod pa thos nas dad nas/ de'i drung du song ste/ maNDal sngon du 'gro bas gus pa dang bcas te gsol ba btab pas/ des dpal gsang ba 'dus pa'i dkyil 'khor du bcug ste dbang bskur/ rgyud bshad/ gdams pa dang rjes su bstan pa mtha' dag gnang ngo/ des kyang de'i don nyams su blangs pas skyed rdzogs kyi don la brtan pa cung zad thob pa dang/