[A:18a] 'dir byin brlabs kyi
brgyud pa ste
brgyud kyi dbang du byas na/ te lo pa'i rnam thar ni/ de dang po rgyal rigs las rab tu byung ste/ mtshan shes rab bzang po zhes par btags/ rim pa'i gnas rnams la sbyangs pas mkhas pa chen por gyur nas/ bla ma rnam rgyal zhabs la gtugs/ dpal 'khor lo sdom pa'i dkyil 'khor du dbang bskur/ rgyud man ngag dang bcas pa zhus/ der bla mas lung bstan te/ shar phyogs bha?M ga la'i rgyud/ ha ri ke la zhes bya ba za hor gyi grong khyer de na sprul pa'i rgyal po uta ma skyes pa zhes bya bas byin gyi brlabs pa'i sgrub thag nye ba yod/ de na panytsa ti pi ni zhes bya ba'i tshong 'dus na smad 'tshong ma til brdung ba zhig yod kyi/ de'i g.yog gyis la rtogs pa sbyongs shig/ ces lung bstan nas der byon te/ smad 'tshong ma'i g.yog byas pas mos til brdung du bcug ste/ slob dpon gyis til brdungs shing nyams su blangs pas/ til la mar gnas kyang brdung ba dang btsir ba ma byas na mngon du mi 'gyur/ de bzhin du rang sems sangs rgyas su gnas kyang nyams len ma byas na mngon du mi 'gyur bar dgongs te/ nyams su blangs pas de kho na nyid mngon sum du gyur pa'i rtogs pa skyes te/ rdo rje 'chang gi mngon sum du dbang bskur/ byin gyis brlabs nas phyag rgya chen po mchog gi dngos grub thob bo/ der smad 'tshong mas khong mtshan mo nam mkha' la me dpung 'bar ba'i dbus na 'dug pa mthong ste 'gyod nas bshags pa byas/ rjes su gzung bar gsol ba btab pas/ de dbur byin gyis brlabs pas/ mos kyang dngos grub thob nas rgyal po la smras pas/ rgyal po 'khor dang bcas pa slob dpon la mjal du 'ongs pa la/ nam mkhar bzhugs nas til mar gyis dpes mtshon pa'i zab chos mang po gsungs pas/ rgyal po 'khor