[A:18b] bcas dad de/ nyams su blangs pas mkha' spyod grub ste/ re shig yul de stongs pa tsam du gyur to/ de'i slob ma nA ro pa ni/ yab kha che ba yin/ kha gcig rgyal rigs su bzhed de/ khungs thub las bram ze'i rigs su gsungs pas/ de la dkar nag brgyad yod pa'i nang nas bzang shos nA ro ta pa zhes bya ba'i rigs yin/ de dang por sgra la sogs pa rig pa'i gnas thams cad la sbyangs pa'i mkhas pa chen por gyur nas phyis sangs rgyas kyii bstan pa la tab tu byung te/ mtshan dznya na sindhi zhes grags la/ nA ro 'grel chen las snyan grags bzang po zhes bshad de/ mtshan brgyad yod pa'i gcig yin no/ de nas sde snod gsum dang rgyud sde bzhi la sbyangs shing yongs rdzogs kyi paNDi tar gyur to/ de'i tshe dpal na lendra na mkhas pa sgo drug tu grags pa yod pa'i shar sgo shAnti pa/ lho sgo dbang phyug grags pa/ nub sgo sher 'byung blo gros/ dbus na dznya na me tra dang/ rin chen rdo rje gnyis yod cing/ nA ro pa byang sgo bar grags/ des thos bsam bshad nyan gyis 'gro ba'i don mdzad cing bzhugs pa'i tshe/ bdag shes bya rig pa'i gnas la mkhas kyang rang gi sems ba 'jo ba'i yun tsam du'ang mi gnas pas sems la dbang thob pa'i gdam ngag cig dgos par 'dug snyam nas/ gnas dben par dpal 'khor lo sdom pa'i nye snying yi ge bdun pa la bsnyen pa 'bum phrag bdun byas pas sa g.yo ba la sogs pa'i ltas byung nas/ shar phyogs su bla ma te lo pa'i drung du song zhig ces
mkha'
'gro mas lung bstan to/ de nas rang gi grogs po la sbran pas rin chen rdo rje na re/ kho bo yongs rdzogs kyi paNDi tar gyur nas/ ku sA la'i rkang pa la phyag mi 'tshal zer nas 'gror mi nyan/ der slob dpon gyis rgya gar shar phyogs dzwa ra bi ha ra zhes pa der byon te