[A:19a] mi thams cad la te lo pa ga na yod dris pas/ la la na re rab tu byung ba'i cha lugs su bzhugs zer/ la la na re rdor pa'i cha lugs su bzhugs/ res 'dir 'ong/ res bi ha ra'i gtsug lag khang du 'gro ba yin zer te ma rnyed/ lan gcig rims nad 'phrog pa'i lha khang na thams cad chos ston za ba'i tshe/ dge 'dun gyi gral byed pa'i phyi rol na me dpung yod pa'i drung du mi sngo ba/ rid pa/ nyi lhags kyis khyer ba/ 'doms dkris kyi ras tsam las gos med pa zhig byung ste/ nya ma shi ba kha gcig khyer nas me gseb tu bcug cing bsregs/ de nA ro pas mthong ste 'di ltar ma byed byas pas/ nya bsregs pa chur bcug ste phus btab pas ma shi bar sos so/ 'di nus pa thob pa gcig 'dug pas te lo pa yin nam snyam pa dang/ nA ro pa nga te lo pa yin zer/ de la sogs pa mngon bar shes pa mang du gsungs pas/ te lo pa yin par yid ches nas phyi bzhin du 'brangs te/ dka' ba spyod pa bcu gnyis la sogs pa du mas te lo pa mnyes par mdzad pa ni gzhan du gsal lo/ de nas dbang dang/ rgyud dang/ man ngag la sogs pa mtha' dag rdzogs par gnang nas/ mtshon bya'i don zhus pas/ kye ho/ 'di ni rang rig ye shes chen po ste/ ngag gi lam 'das yid kyi dpyod yul min/ te lo nga yis ci yang bstan du med/ rang la rang gis bslan te shes par byos/ shes zhes gsungs te/ 'dis ni rgya mtsho dang 'dra ba'i don mtshon pa bstan nas/ chu bo dang 'dra ba'i mtshon byed rtsa rlung la sogs pa'ang gnang ste/ khyod sgrub pa snying por gyis shig ces gsungs nas mi snang bar gyur/ de nas nA ro pas kyang bshad pa dang sgrub pa gnyis ka