[A:19b] mdzad cing bsgoms pas rtogs pa skyes te glur blangs pa ni/ 'char ba med cing nub pa med/ nyin mo med cing nub mo med/ bla ma'i rtogs pas rmongs pa bcad de song/ gar 'gro gang du gnas pa ma shes te/ bden bden gyis nii dbang po'i grong 'di bcom/ bsam du med pa'i rnal 'byor de las skyes/ de las bdag gis ci zhig bsam par bya/ phyogs rnams stong zhes rang yang rnam par bral/ gang bltas de ni rtag tu de yin te/ gnyug pa'i yid ni gdod nas stong par song/ rgyu dang 'bras bus btang snyoms dag tu dor/ 'di yi khyad par te lo pa dbang ngo/ zhes gsungs so/ de lta bu'i slob dpon de yang rgyal po dpung dang bcas pa dengs nus pa dang/ tshogs kyi 'khor lo'i dus su shing tog la sogs pa 'gugs nus pa dang/ sbyin sreg gi thab tu lha drug bcu rtsa gnyis zhal blta nus pa dang/ ting nge 'dzin gyi rtogs pa brtan po thob pas dngos grub thob par grags shing/ rje mar pa las brgyud pa rnams ni sku tshe 'di la mchog gi dngos grub brnyes par bzhed/ bka' brgyud 'di pa dang/ sa skya pa/ zha lu ba rnams bar dor mchog brnyes par bzhed do/ de la slob ma dpal mchog Dambi pa/ shAnti ba/ jo bo rje/ dha ri pa/ ku sA li pa/ kha che dznya na dpal/ shar phyogs pa dza ya ka ra ste che bar grags pa bdun dang/ zhi ba bzang po/ zhi ba'i go cha/ jo bo smri ti la sogs pa paNDi ta'i slob ma mang po dang/ mi tri pa/ pham mthing pa sku mched la sogs pa yun ring bsten pa'i slob ma rnams dang gzhan yang mar pa lo tsA la sogs pa dpag tu med pa rnam grol la bkod do/ de'i nang nas shAnti pa sgo drug gi mnyam po yin yang/ nA ro pa'i zhabs la gtugs nas bde mchog 'khor lo'i