[A:25a] ma 'dres par the tshom gcod par mdzad de/ lo tsA ba'i bstod pa las/ byang chub chen po'i pho brang du/ thams cad 'dus shing 'tshogs pa na/ rang dang gzhan gyi sde pa yi/ grub mtha' ngan pa'i rgol ba kun/ seng ge'i nga ro'i sgra skad kyis/ thams cad kyi ni klad pa 'gems/ shes zhes dang/ o tanta yi pu ri na/ rab byung brgya phrag phyed dang gsum/ bi kra ma la shI la na/ rab byung brgya phrag mang po dang/ rtsa ba'i sde bzhi tshang bar bzhugs/ sde pa'i khengs dregs mi mdzad de/ ma ga dha yi yul gyi ni/ gnas gzhi ma lus thams cad kyi/ ston pa'i 'khor ni bzhi po yi/ kun gyi gtsug gi nor bur gyur/ khyod ni sde pa bcu bco brgyad kyi/ kun gyi spyi la bzhugs pa na/ thams cad kyis ni lung yang len/ zhes 'byung ba ltar ro/ de yang bstan pa bsrung ba la/ rnal 'byor gyi stobs kyis bsrung ba/ dbang phyug gi stobs kyis bsrung ba/ rig pa'i stobs kyis bsrung ba/ rigs pa'i stobs kyis bsrung ba dang bzhi las/ de bzhi ka'i stobs kyis sangs rgyas kyi bstan pa bsrung ba ni jo bo rje tsam yin gsungs te/ rgyas par gzhan du blta'o/ de lta bu'i yon tan phun sum tshogs pa dang ldan
pa
de nyid/ bod du spyan 'dren dgos pa'i rgyu mtshan las 'phros te/ bod kyi mi rnams byung tshul dang/ bstan pa snga dar gyi dus dam pa'i chos 'phel 'grib byung ba'i tshul cung zad
bshad na/ de yang bod kyi mi rnams bka' chems ka khol ma las/ spre'u dang brag srin gyi rgyud du bshad/ lha las phul du byung ba'i bstod 'grel las/ skyabs seng bu sde lnga dang/ dgra ngan dpung tshogs bcu gnyis ma mthun pa'i tshe/ rgyal po rU pa ti zhes pa dpung dang bcas pa kha ba can du bros pa'i brgyud yin par bshad de/ gnyis ka'i brgyud dngos de yang bod kyi rgyal po la snga ba