[A:25b] rje gnya' khri brtsan btsan po nas rgyal rabs nyi shu rtsa brgyad pa/ sangs rgyas sman bla'i sprul pa lha tho tho ri gnyan brtsan btsan byon te dam pa'i chos kyi dbu brnyes pa tsam mdzad/ de nas rgyal rabs lnga pa la 'phags pa spyan ras gzigs dbang phyug gis rgyal po srong brtsan bgam btsan sgam po'i skur sprul te/ bod kyi mi rnams dge ba bcu'i lam la bkod cing/ dud 'gro rnams kyi rna bar yang arya a ba lo ka zhes bsgrags pa sogs rim gyis smin par mdzad/ de nas rgyal rabs bzhi na 'phags pa 'jam dpal gyi sprul par grags pa'i byang chub sems dpa' khri srong lde'u brtsan btsan gyis za hor gyi mkhas pa chen po zhi ba 'tsho spyan drangs nas/ nyang sha mi go cha/ rma rin chen mchog/ la gsum rgyal ba byang chub/ tA dpal dbyangs/ rba ye shes dbang po/ dba' manydzu shrI/ spa gor bai ro tsa na ste/ tshad sad mi mi bdun la sogs pa rab tu byung zhing/ slob dpon padma 'byung gnas kyis bod kyi lha srin gdug pa can btul/ sangs rgyas kyi bstan pa btsugs pa las/ de dag nyid kyi rigs la pha rol du phyin pa dang/ rdo rje theg pa'i bstan pa mtha' dag rgyas par byung zhing/ de dag gi rgya dpe' bsam yas su bzhugs pa rnams/ phyis dpal mar me mdzad ye shes kyis gzigs pas ngo mtshar ba 'khrungs te/ dus der byung ba'i bod kyi bstan pa 'dra ba rgya gar du yang byung dka' bar 'dug ces gsung zhes lam yig las gsungs/ de lta bu'i bstan pa phun sum tshogs pa de yang rgyal po dar ma zhes pa/ sdig pa can gyi blon po dang bgros te/ rab tu byung ba mang po khyim par phab cing/ rtags 'dor du ma 'dod pa rnams dkrongs nas bstan pa rin po che bsnubs so/ de'i dus kyi sngags kyi bstan pa 'dzin par rlom pa'i khyim pa mang pos rang gi yi dam tsam la bsten pa dang/ sngags kyi glags glegs bam lus pa rnams chud ma zos par byas kyang