[A:26a] bshad sgrub kyi bstan pa rnal ma med pas/ rgyud don log par 'grel ba dang/ mngon spyod kyi las gtso bor byed pa mang du byung ngo/ dus der rtsa ba rab gsal la sogs pa gling gsum dpal chu bo rir sgrub pa mdzad cing bzhugs pa la/ rgyal pos bstan pa bsnubs pa gsan pas/ 'dul ba'i dpe mang po bsnams nas bros te/ rim gyis mdo smad kyi sa char byon nas/ bla chen po rab tu byung zhing/ bla chen po dgongs pa gsal gyis kyang dge slong dang dge tshul mang du spel la/ bla chen po nyid la dge sloong gsum po de las 'ongs pa'i 'dul ba dang/ mngon pa'i sde snod mang po dag dang/ bla ma gzhan las kyang sngags dang pha rol du phyin pa'i gzhung mang po gsan cing/ sku'i skye ba phyi ma dga' ldan du gshegs pa de'i slob ma brgyud pa dang bcas pa'i drin las dbus gtsang gi sa char yang mdo sngags kyi bstan pa byung mod kyi/ 'on kyang khyim pa phal cher rgyal po'i chings ma dang bral bas 'thab rtsod la dga' zhing/ de'i rigs las byung ba'i sngags pa mang pos dgra'i phyogs la mngon spyod kyi las byas pas/ skye bo mang po phung bar gyur pa dang/ sngags kyi gsang ba'i spyod pa las nyams te gsang ba'i gnas rnams 'chol par ston cing/ sbyor sgrol sogs sngags la snyad pa'i rtsing chos sna tshogs dang/ cho ga rnams kyang ma tshang zhing 'khrul ba mang du byung ba dang/ gzhan yang bam sgrub sogs log chos sna tshogs dar zhing/ rgya nag lugs kyi rdzogs pa chen po'i lugs 'dzin pa 'ga' zhig gis stong pa nyid gcig pu bsgoms pas dri ma mtha' dag dang bral ba'i chos kyi sku 'thob la/ de thob na gzugs kyi sku shugs la 'byung bas/ sbyin pa la sogs pa'i thabs mang po la slob pa ni tshegs chen po zer ba dag kyang byung zhing/ hwa shang gi lta ba zhes ming la skyon du lta yang/ don la mchog tu 'dzin pa dang/