[A:3b]bdun khri/ chig stong / lnga brgya/ lnga bcu 'das pa na shAkya gzhu brtan byung/ de'i bu seng ge 'gram dang/ seng ge sgra gnyis/ seng ge 'gram gyi bu zas gtsang/ zas dkar/ bre bo zas/ bdud rtsi zas bzhi dang/ bu mo gtsang ma/ dkar mo/ bre mo/ bdud rtsi mo rnams so/ rgyal po zas gtsang dang/ yum sgyu 'phrul chen mo gnyis kyi sras su jo bo rje'i bzhed pa ni/ shing pho byi ba'i lo dpyid zla tha chung sa gas nya ba'i tshes bcu lnga'i nyin/ kha gcig skar ma rgyal 'char ba'i dus sbyor ro zhes gsung gsungs la/ de yang glang po che'i phru gu thal dkar mche ba drug pa gser gyi dra bas brgyan pa'i gzugs kyis yum gyi glo g.yas nas zhugs te lhums su zhugs pa'i mdzad pa dang/ de nas zla ba bcu rdzogs pa/ shing mo glang gi lo la sku bltams pa'i mdzad pa/ de nas lo nyi shu rtsa dgu'i bar du khab tu bzhugs nas bzo'i gnas la mkhas pa'i mdzad pa/ btsun mo'i 'khor gyis rol ba'i mdzad pa/ lo nyi shu rtsa dgu pa chu mo sbrul gyi lo la khab nas nges par 'byung ba'i mdzad pa bstan te/ mchod rten rnam dag gi drung du rab tu byung nas/ chu klung nai ranydza na'i 'gram du lo drug tu dka' ba spyad pa'i mdzad pa/ byang chub kyi snying po rdo rje gdan du gshegs pa'i mdzad pa dang/ lo sum bcu rtsa lnga bzhes pa/ sa mo phag gi lo dpyid zla tha chung sa ga zla ba'i yar ngo'i tshes bcu bcoo lnga'i srod la lha'i bu'i bdud bcom pa'i mdzad pa/ tho rangs mngon bar sangs rgyas pa'i mdzad pa'o/ de nas dam pa'i chos kyi che ba dbyung ba'i phyir/ sangs rgyas stong po thams cad la chos kyi 'khor lo bskor bar bskul ba po mi mjed kyi bdag po tshangs pas gser gyi 'khor lo rtsibs stong dang ldan pa