[A:4a] phul nas gsol ba btab kyang/ zhag bdun phrag bdun du chos ma gsungs par/ bdun phrag tha ma la wA rA NA sir dbyar zla 'bring po'i chu stod zla ba'i yar ngo'i tshes bzhi la lnga sde bzang po la bden bzhi'i chos kyi 'khor lo bskor ba'i mdzad pa bstan to/ de nas sku dngos kyis gdul bya rnams la chos kyi 'khor lo rim gyis bskor nas smin par mdzad de/ shing pho spre'u'i lo la mya ngan las 'da' ba'i mdzad pa bstan par bzhed do/ de yang ston pa'i 'khrungs lo sogs la bzhed tshul mi 'dra ba cung yod kyang/ 'di jo bo rje'i bzhed pa ltar yin la/ chos rje sa skya pa ni me mo yos la lhums su zhugs/ sa pho 'brug la bltams/ chu pho stag la sangs rgyas/ me mo phag la gshegs par bzhed/ dus 'khor las/ me pho rta'i lo la lhums su zhugs par bzhed do/ de yang ka ma la shI las/ thub pa'i mdzad pa bsam gyis mi khyab kyang/ gtso bo dang grangs la dga' ba rjes su gzung ba'i phyir mdzad pa bcu gnyis su bsdus/ shes zhes gsungs pa ltar mdzad pa'i gtso bo rnams yin la/ de dag la yang 'dren tshul mi 'dra ba 'ga' re 'dug kyang rgyud bla ma las gsungs pa ltar yin no/ mdzad pa bcu gnyis rgyas par ni rgya cher rol pa/ mdo mngon byung/ 'dul ba lung rnams las 'byung zhing/ bod kyis mdzad pa'i chos 'byung sogs rgyas sdus mang du snang ba rnams las shes shing/ 'dir mangs mang pas ma spros so/ de'i bka' ji ltar bsdus pa la gnyis/ theg pa thun mong ba dang/ theg chen thu mong ma yin pa'i bsdus tshul lo/ dang po la/ bka' bsdu rim pa gsum las/ dang po ni/ dus ston pa mya ngan las 'das