[A:4b]pa'i phyi de lo/ gnas rgyal po'i khab nya gro dha'i phug tu/ sbyin bdag rgyal po ma skyes sgras dgras mdzad nas/ tshogs pa dgra bcom pa lnga brgyas dbyar gnas mdzad de/ kun dga' bos mdo sde/ nye ba 'khor gyis 'dul ba/ 'od srungs chen pos mngon pa rnams
bsdus
shing/ dgos pa lha rnams kyis 'phya ba bsal ba dang/ bstan pa yun ring du gnas pa'i phyir du bka' bsdu dang po mdzad do/ gnyis pa ni/ dus ston pa mya ngan las 'das nas lo brgya dang bcu na/ gnas yangs pa can du/ sbyin bdag chos rgyal mya ngan med kyis mdzad de/ tshogs pa dgra bcom pa bdun brgya 'dus te/ dgra bcom pa grags pa dang/ thams cad 'dod la sogs pas sde snod gsum zhal 'don du mdzad de/ dgos pa rung ba ma yin pa'i gzhi bcu bsal ba dang/ bstan pa yun ring du gnas pa'i phyir bka' bsdu gnyis pa mdzad do/ bsdu ba gsum pa/ lung na med pas mi mthun pa mang yang yongs su grags pa ni/ dus ston pa gshegs nas lo sum brgya na/ gnas kha che'i yul gyi dgon pa kun pa na zhes par/ sbyin bdag dza landha ra'i rgyal po ka ni kas byas ste/ tshogs pa dgra bcom pa lnga brgya/ ba su mi tra la sogs pa'i byang chub sems dpa' lnga brgya/ so so skye bo'i paNDi ta khri drug stong 'dus nas/ sdud pa po purNa ka la sogs pas sde snod gsum zhal 'don du mdzad de/ dgos pa sde pa bcu bco brgyad po thams cad kyi grub mtha' la brten nas rnam grol gyi 'bras bu thob par/ rgyal po kri kri'i rmi ltas lung bstan pa'i mdo la brten nas sgrub pa dang/ bstan pa yun ring du gnas pa'i ched du bka' bsdu gsum pa mdzad do/ de yang sangs rgyas 'od srungs dzam 'dzam bu'ii gling na bzhugs pa'i tshe/ rgyal po kri kri'i rmi lam du ras yug gcig skyes bu stobs dang ldan pas bcu bco brgyad du