[A:42b] ldan du rje btsun byams pa'i drung du lha'i bu nam mkha' dri ma med pa zhes bya bar gyur te/ bka' gdams glegs bam las/ bskal bzang 'di la rje btsun byams pa'i rjes su rgyal ba seng ge 'byon par gsungs pa de/ jo bo rje yin par bzhed do/ lnga pa de'i rjes su slob pa'i bshes gnyen
byon
tshul la gnyis/ rgya gar du byon tshul dang/ bod du byon tshul lo/ dang po ni/ rgya gar/ kha che/ o rgyan / gser gling/ mi yul/ bal po rnams su dngos slob paNDi ta dang/ grub thob dang/ nying slob bsam gyis mi khyab pa zhig byon la/ bi kra ma la shI lar yang slob ma paNDi ta ratnA kIrti/ ta thA ga ta rakShi ta/ su ma ti kirti/ bai ro tsa na rakShi ta/ bal po ka na ka shrI la sogs pa sum bcu tsam yod kyang/ thun mong ma yin pa'i slob ma lnga ni/ paNDi ta chen po pi to pa/ dharma a ka ra ma ti/ dbu ma'i ser ge/ bshes gnyen gsang ba/ sa'i snying po rnams ni jo bo dang rtogs pa byin brlabs mi mnyam yang/ mkhyen pa mnyam pa tsam du grags so/ gnyis pa bod du byon
tshul ni/ gangs ri'i khrod 'dir rab tu byung ba dang/ skye bo phal che bas chos thob cing bka' drin gyis khyab pa las/ de rnams kyi nang nas/ chos brgyud 'dzin pa la/ slob ma grags che ba byon tshul dang/ slob ma mchog byon tshul lo/ dang po ni/ mnga' ris skor gsum nas/ lha byang chub 'od/ lha pho brang zhi ba 'od/ lo chen rin bzang/ rgya brtson 'grus seng ge/ nag tsho lo tsA ba/ lo chung legs she/ mang yul lo tsA ba grags 'byor shes rab/ 'bro lo tsA ba shes rab 'od/ lo tsA ba dge blo/ lo tsA ba shAkya blo gros/ gi mi sgom chen/