[A:43b] ma chud/ de nas lo tsA bas sgo gsum rim du byas pa la/ dam bca' ba'i yi ge gsum bris te sgrub pa mdzad pas/ gsang 'dus dang/ bde mchog gis zhal gzigs/ dgung lo dgu bcu rtsa brgyad pa dgun zla tha chung gi tshes bcu bdun skar ma nya pa mod pa'i nyin mkha' spyod du gshegs par gu ge khri thang pas gsungs so/ rgya brtson seng ni/ gtsang stag tshal du 'khrungs/ rten dge gnyen/ phyis rab tu byung ba mdzad/ rgya gar du jo bo la chos mang du gsan/ 'jam dbyangs kyi sprul par chos kyi 'byung gnas su bshad cing/ bal por sku gshegs/ lo tsA ba nag tsho ni/ yul gung thang gdung nag tsho/ mtshan tshul khrims rgyal ba/ 'dul ba 'dzin par grags/ rgya brtson seng la mngon pa mkhas par bslabs/ dgung lo nyer bdun la rgya gar du jo bo chen po spyan 'dren du byon/ lo bcu dgu'i bar du tshul bzhin bsten/ thun mong gi yon tan rnams rdzogs par mdzad/ nag tshos snye thang nas mnga' ris su 'byon khar/ jo bos bslab bya mang du mdzad de/ dam tshigs gsum bkod kyi sku phyag tu bzung nas byin brlabs mdzad/ 'dul ba mdo rtsa dang/ gsang ba 'dus pa'i rgya dpe dang/ 'gro chos su thun mong ma yin pa'i spyan ras gzigs kyi sgrub skor sogs sbas chos nyi shu gnang ste lung bstan mang du mdzad/ jo bo rang gi sku 'the bong tsam seng ldeng la bris te ga 'ur bcug nas/ gung thang pa'i dpung pa la btags/ mnyes mnyes rgya chen mdzad/ jo bo la gung thang pas kyang lan gsol te/ phyi gzhag rnams 'brom la gzhag/ rnal 'byor pas kyang nag tsho la bslab bya ji ltar mdzad pa'i tshul rnams snye thang du mdzad pa'i zhu lan dang/ rnal 'byor pa'i