[A:44a] gtod yig tu grags par gsal lo/ de nas mnga' ris su byon nas/ lung bstan pa bzhin sgrub pa mdzad pas/ 'jam dpal rdo rje/ sgrol ma yi ge drug pa rnams zhal gzigs/ mngon shes kyang mnga' la/ de las slob brgyud phyag ser ba sogs byon tshul 'og tu 'chad do/ lo chung legs she ni/ 'khrungs yul mnga' ris pu rangs pa/ bal por thang bi ha ra bya ba rgyal pos bzhengs pa'i gtsug lag khang du/ rngog rin chen rgyal mtshan gyis zhu sna byas te jo bo dang mjal/ rdo rje 'byung ba/ gtsug dgu khams gsum rnam rgyal gyi dkyil mchog/ stod 'grel dang bzhi'i rgya dpe/ gsang 'dus kyi chos skor zhu ba'i rten du phul nas/ jo bo dang lo tsA bas bsgyur/ de nas yo ga rnam gsum gsungs te/ bod du jo bo'i yo ga'i 'khor 'dus pa dang po lo chung legs she yin gsung/ lo tsA ba dge blo ni/ lo chen gyi slob ma rig pa can gyi khye'u lnga'i nang nas/ gnyis kha cher tshad pas grongs/ gsum pa ni rma lo tsA ba dge ba'i blo gros/ mang wer gyi lo tsA ba byang chub rtse mo/ ljang lo tsA ba rin chen gzhon nu las dang po ste/ lo chen la mkhas par sbyangs/ jo bo chen po'i drung du chos mang du zhus/ yun ring du bsten cing lam sgron sogs 'gyur mang du mdzad do/ go mi sgom chen ni/ jo bo la lo chen gyis rnal 'byor rgyud kyi skor gsan pa'i dus su sbyong rgyud dang/ gtsug dgu'i dbang dang/ rgyud kyi bshad pa sogs gsan te/ da lta yang go mi nas brgyud pa ma chad par bzhugs te/ kun rig sogs sgur lugs su grags pa rnams so/ gzus rdo rje rgyal mtshan gyis/ dang por klu mes can du byon te/ mdo rtsa 'grel pa dang bcas pa sogs 'dul ba'i gzhung rnams