[A:44b] la mkhas par sbyangs/ de nas jo bo'i drung du theg pa che chung gi chos mang du gsan te/ ngas bslabs pa'i chos thams cad kyang lam du song gsung/ 'di la bu chen bzhi ste/ stod du zhang zhung pa rgyal ba'i shes rab/ 'jims su gzhon tshul/ dbus su 'brom seng dkar/ stod pa ye shes bla ma/ de rnams kyi slob ma rgya 'dul 'dzin yin la/ 'dis dgung lo brgyad bcu rtsa lnga bzhugs/ gra grwa pa 'dul ba'i bshad nyan pher ba stong lhag byung ste/ bod du 'dul ba'i bshad gra grwa rnams dang/ 'dul 'dzin gser ri'i phreng ba lta bu byon pa rnams phal cher 'di las 'ched cing/ a ti sha nas brgyud pa'i chos skor la nyams len mdzad pas slob brgyud du gyur pa yin no/ glo bo'i yul nas ston pa yang rab sogs dang/ gtsang stod nas brag ston che chung gnyis/ leng 'brog che chung gnyis byon/ gtsang smad nas 'gar 'gos yol gsum zhes grags che bas cung zad bshad na/ dang po 'gar dge ba gsal gyis jo bo la mdo sngags kyi chos mang du zhus/ khyad par du lu yi pa'i dbang bka'/ lha sbas kyi 'grel pa la brten pa'i bshad bka'/ chos tshan dgu la sogs pa'i rdzogs rim yongs su rdzogs par gsan nas/ des lha rje stod pa stengs pa zla gsal sogs la brgyud pa da lta yang ma chad par 'dug go/ rje 'gos ni/ rus 'gos/ yab yum rus gcig pas khug pa/ lhas phug tu 'khrungs pas lha btsas te/ gyi co zla ba'i 'od zer dang 'grogs te rgya gar du byon/ spyir paNDi ta bdun bcu/ mkha' 'gro'i bla ma gnyis rnams la chos gsan/ de'i tshe paNDi ta mnyam po la'ang 'dus pa la kha zin che bar snang bas/ thog mar gsang 'dus la