[A:45a] slob gnyer mdzad de/ 'dus pa la mkhas pa'i paNDi ta bcu tsam bsten pa'i yul bhaM ga la'i mkhas pa chen po dI pam kA ra zhes pa/ rgya gar du 'dus pa gsan pa'i dpon slob yin la/ jo bo'i gsang 'dus 'phags skor thams cad mnga' zhing/ bod du yang chos mang du gsan te/ rtsa ba'i slob ma yin/ spyir sngags thams cad/ khyad par du gsang ba 'dus pa la mkhas par grags/ 'di la slob ma rgyud kyi ka ba gtsugs pa bzhi/ man ngag gi gdung theg pa brgyad/ las tshogs dang phrin las la mkhas pa lcam dang dral ma ltar dpag tu med pa byon no/ yol dbang ni/ sku mched gsum ste/ yol drang song/ yol thog 'bebs dang gsum ka jo bo'i dngos slob yin yang/ 'dir dang po ste/ jo bo gtsang nyang tshe gnas su phebs dus/ jo bo'i zhal nas da nang tho rangs nam mkha' la hrIHdkar po sgra dang bcas pa zhig byung/ bcu gcig zhal gyi sku li ma 'di la phog/ de las 'od 'phros bod thams cad 'od kyis khyab nas/ 'od de ban chung gzhon nu gcig la phog pas/ de'i sgyu lus 'od gsal du shar ba rmis gsung/ nyi ma rtse shar yol chos dbang btsun chung lo bcu drug lon pa cig gis dar dang gser phul/ bdag la thugs rje chen po'i gdams ngag cig zhu zer bas/ jo bo dgyes nas bcu gcig zhal gyi sku de yang gnang/ spyan ras gzigs dang/ rta mgrin sogs kyi chos skor rnams snga phyir rdzogs par gnang/ thugs rje chen po zhi khro mang du zhal gzigs te dngos grub brnyes so/ gzhan yang stod lung pa gnam gyi rdzing kha ba mal shes rab sems dpas/ jo bo la yun ring du bsten te bsgoms
nas
smin mtshams nas 'od zer byung/ de'i rjes su