[A:45b] sems bcug nas bsgoms pas/ zhing khams mang po mthong ba byung ste/ jo bo la lam du 'gyur ram zhus pas/ zhi gnas kyi cha mthun yin/ bla ma mtshan nyid dang ldan pas zin na lam du 'gyur gsung/ yang lan gcig snye thang na jo bo'i gzims chung du khong rtogs pa 'bul ba la/ khu ston gyis lkog nyan byas pas/ sa thob pa tsam du mngon te/ khong phyir byung ba'i rjes/ khu ston gyis jo bo la/ de su lags/ rtogs pa ji tsam du 'dug zhus pas/ mal shes rab sems dpa' bya ba theg pa chen po'i sbyor lam drod la nye bar 'dug gsung/ de gar song zhus pas/ kho rkang mgyogs kyi dngos grub thob pas klung shod ngar gyi la la sleb song/ ra sgreng la 'gro bar 'dug gsung/ 'dis stod lungs tsha thog gi dgon pa btab ste/ spyan snga'i rab byung mdzad pa'i mkhan po yin no/ dbus nas khu rngog 'brom gsum grags che bas 'og tu 'chad do/ gzhan yang rtog byang chub 'byung gnas/ glan ye shes shes rab/ zhang sna nam rdo rje dbyug gsum la/ theg chen gdung rgyud brtan mdzad gsum du grags/ ka bha ya shAkya dbang phyug/ rag shi ston pa tshul khrims 'byung gnas/ rma ston pa shAkya byang chub/ dar ston pa byang chub gsal/ rba ston pa g.yung drung rin chen/ gar li ston pa yon tan g.yung drung / rgyus ston pa chos kyi rgyal po/ bang ston byang chub rgyal mtshan/ 'dang ljang ston pa/ zhang sna chung ston pa/ lhab mi ston pa shes rab 'od zer te dbus kyi ston chen bcu gcig go zhang btsun yer pa ba ye shes 'bar/ sa phug pa zhu sgom/ mkha' ru ba chen por grags pa snga ma ste/ sgrub pa rtse gcig tu mdzad pa gsum mo/ gzhan yang rngog sgom yon tan rgyal po/ sgom pa dad pa bla ma