[A:46a] rnal 'byor pa g.yung drung rgyal mtshan/ sum pa mthu chen/ sgro Arya byang chub/ khu seng ge rgyal mtshan rnams byon/ zhang btsun yer pa ba ye shes 'bar ni/ rje btsun byams pa la chos gsan par gsungs shing/ spo to ba'i gnas kyii slob dpon yin la/ phyis kyi zhang yer pa ba bstan kya'o/ bla ma zhang gi bla ma dang mi gcig la/ de rnams jo bo chen po'i thun mong ma yin pa'i slob ma yin no/ gzhan yang mar pa lo tsA la dbang rin chen phreng ba gnang/ khyung po rnal 'byor la sems skyed/ byams chos/ bde mchog/ gsang 'dus/ gshed skor dang bcas pa gnang/ mar pa do pa dang/ pu rangs lo chung la bde mchog gi skor rnams gnang/ ba ri lo tsA ba la sgra'i skor rnams gnang ste/ mdor na gangs ri'i khrod 'dir kun la bka' drin gyis khyab par mdzad do/ khams nas rnal 'byor pa chen po/ dpal ldan dgon pa ba/ rnal 'byor pa shes rab rdo rje/ phyag dar ston pa dang bzhi la khams la sku mched bzhi zhes grags pa cung zad bshad na/ rnal 'byor pa chen po 'khrungs yul mdo smad tsong kha/ yos bu lo pa/ gdung rus lung/ mtshan byang chub rin chen/ lo sum bcu rtsa gnyis la dbus su byon/ jo bo dang thog mar mang yul bzoo gnas su mjal/ lo dgu bsten no/ dpal ldan dgon pa ba mdo khams stod kyi 'dan ma/ sga pa'i sgrol ma lha khang pa/ gdung rus 'jeng/ 'brug lo pa/ mtshan dbang phyug rgyal mtshan/ mdo khams nas dang po skam po ri pa bya ba'i grub thob cig la gtad nas byon/ mnga' ris na paNDi ta byon 'dug bya ba gsan pas/ jo bo dang nyan tsho gnas rnying du mjal/ rnal 'byor pa dang gnyis la/ jo bos thun mong gi chos bzhis snod rung du mdzad nas/ lha 'di dang las 'brel 'dug gsung ste/ dam tshig gsum bkod kyi sgrub thabs gnang nas bsgrubs pas/ bzlas pa