[A:47a] bcu dgu se btsun la bsten/ mdo sngags kyi chos mang du gsan/ mkhas par gyur te dge bsnyen chos 'phel du grags/ snying rje pad dkar du/ byang phyogs su bstan pa la dad pa lhar skye zhing/ rab byung chos bzhin mi spyod pa log par lhung/ der dge bsnyen chos 'phel zhes pa rdzu 'phrul dang ldan pa 'byung zhes pa dang/ sangs rgyas phal po cher/ byang phyogs su dge bsnyen chos 'phel bya ba 'byung zhes 'brom ston pa lung bstan/ 'brom gyi dgongs pa la/ dal 'byor mi lus thob par dka' ba rnyed pa'i dus 'dir/ chos rnal ma cig byed na 'di tsam gyis chog gam mi chog/rgya gar mkhas pa cig la 'dri ba la/ bar du lo tsA ba mi dgos pa byed dgongs te/ paNDi ta rgya'i tsher ma bya ba la bi brta la sogs pa bslabs/ kha gcig smr-i ti dznyA na dang gcig par 'dod/ de la lo tsA mkhas par bslabs/ der se btsun gyi zhal nas/ pha dang 'phrad par song gsung ste/ dgung lo so brgyad 'gro ba la yar byon/ byang 'phrang kha sog chu khar phebs/ 'phrang kha ber chung gis ra sgreng gi dgon pa phul/ mnga' ris lha bla ma bas paNDi ta spyan drangs te phebs pa sngar nas gsan kyang/ de'i tshe ring po mi thogs par rgya gar du 'byon par 'dug zer bas/ mtshan thos pa tsam gyis lhag par dad pa skyes te yar byon/ jo bo dpon slob pu rangs na bzhugs pa la/ sgrol ma'i zhal nas/ da ni zhag gsum dro dang bzhi na bod kyi u pA sa ka 'byon pas byin gyis rlobs shig gsung/ jo bos kyang de'i sta gon mdzad/ u pA nye ba/ a sa ka gnas pa ste