[A:47b]mtshams sbyar bas/ u pA sa ka nye bar gnas pa'am/ dge bsnyen la 'jug la/ pa'i ring po chad pa dang/ si ka ces pa ma dag ste/ u pa si ka dge bsnyen ma la 'jug go/ de nas rta'i lo rang lo so dgur pa la jo bo dang mjal/ byin gyis brlabs/ dbang bskur/ 'jam dpal rdo rje'i sku yang gnang/ khyod bla ma rnams dang sgrol mas lung bstan pa'i slob ma yin pas nga'i rtsar sdod/ nga'i bka' brgyud 'di la gsol ba thob dang byin brlabs yod kyi/ byin brlabs 'byung gi gsung/ de'i tshe jo bo nyid kyang rgya gar du ldog par bzhed/ lo tsA ba yang sngar gyi chad yod pas phar gdan 'dren bzhed pa la/ ston pas kyang bzhugs par zhu ma nus/ 'on kyang thabs mkhas pas/ dbus na rgyal blon gyi gtsug lag khang yod tshul dang/ dge 'dun gyi sde mang du bzhugs pa rnams jo bo phebs par mos tshul dang/ bod ston rnams la yang chad pa yod pa bzhin phrin yig btang ba sogs gong du bshad pa ltar/ dka' ba du mas bod du spyan drangs te/ ston pas lo bcu gsum tshul bzhin du bsten cing/ bshes gnyen ston pa la bla ma lnga yod pa ni/ dang por klog bslabs pa'i slob dpon gzhu'i kun dga' ra ba'i g.yung chos mgon rgyal gyi zhang chen po/ se btsun dbang phyug gzhon nu/ paNDi ta sgra'i tsher ma/ jo bo ni 'gran gyi do med yin la/ spyir jo bo'i chos thams cad thugs la mnga' ste/ mi 'chug bsdams pa las kyang jo bo'i zhal nas/ gzhung bzang khyod ni tshangs spyod sdom pas phyug/ smon 'jug sems bskyed lag len snying rjes mdzad/ dbang bzhi yongs rdzogs gsang ba phyir mi ldog/