[A:48b] pa'i/ bde bar gshegs pa rgyal ba gnyis pa 'di'i/ brgyud par bcas pa'i rjes su 'brang du byung/ de yis kho bo bod du lus blangs kyang/ bsod nams mi chung shin du skal ba bzang/ zhes pa'i bar du gsungs so/ de ltar mjal ba'i dus dang / bsten pa'i lo grangs 'di las gzhan du 'dod pa ma dag par mngon no/ jo bo dga' ldan du gshegs nas ka ba shAkya dbang phyug sogs bod ston rnams kyis/ jo bo'i 'das mchod snye thang du gtang/ ston pas jo bo'i gdung dang rten gsum sogs spyan drangs te/ shing mo lug gi lo la ra sgreng du byon/ dgon pa'i sa dpyad gzigs pas shin du legs par dgongs te/ brag seng ge'i zhol du rnal lam brtags pas/ dbu rtse'i sa na gser gyi mchod rten 'dug pa'i 'od zer las/ dbu rtse gandhi ra ser lhag ge ba mang po byung nas/ bod yul thams cad 'od kyis gang bar byas te/ tshur 'dus shug pa'i gseb thams cad gang ba dang/ gzhan yang rtse 'phying dkar ba mar gyi phung po dang/ pha bong thang rin po che'i phung por song ba la sogs pa'i ltas khyad par can mang po rmis te/ nang par sum pa mthu chen dang/ rnal 'byor pa/ dgon pa ba gsum gyis ltas bzang zhus pas/ bzang gsung nas/ dgon pa 'debs par thag bcad/ sa 'dul la brgyad stong pa 'grel pa dang bcas pa gsungs/ me pho spre'u lo la dgon pa gong dang/ gzims khang rnams btab/ me mo bya'i lo sa ga zla ba'i tshes gnyis la sa chog mdzad/ dpal gsang ba 'dus pa lha bcu dgu'i thig btab ste/ ka gnyis ma'i rmang bting/ gur dkar phib/ jo bo'i gdung dang/ dngul gdugs can/ 'jam dpal rdo rje la sogs pa bzhugs/ zo bo bi ri rnal 'byor bya bas