[A:49a] ka gnyis ma rgya phibs/ khyams stod ka ba bcu gnyis rnams bya lo rang la grub par mdzad/ de nas na ning chu mo yos yan la 'das lo bzhi brgya dang nyi shu rtsa bdun song/ rten gsar du bzhengs pa rnams kyi rab gnas sogs/ rnal 'byor pa gong 'og gis grogs mdzad de phun sum tshogs par grub nas/ jo bo'i gdung bzhugs pa'i khyung mgo can grub/ 'di man chad la byed pa po cig 'ong gi gsung nas/ 'dzin rdo yon tan 'bar pa khyod 'jig rten gyi shes che ba yin gyis/ kho bos tshe 'di'i rnam rtog spong blo cig bgyi gsung ste/ 'jig rten mkhyen pa rnyed dang ma rnyed dang/ zhes sogs gsungs shing/ 'jig rten chos brgyad mgo snyoms mdzad do/ de dus rnal 'byor pa phyag khri mchog jo bo lo lnga bsten pa de ra sgreng na bzhugs pa/ kho bo mtshams shig byed pa yin gsung nas/ 'jig rten gyi rnam par rtog pa la mtshams po che mdzad de/ shug gseb na gang dgar bzhugs nas rtse gcig tu sgrub pa mdzad/ dgung lo zhe gnyis 'gro ba'i dus/ dge bshes ston pas 'khor gcig la bdud rtsi ka pA la gang bskur te/ phyag khri mchog la gtad pa gsol nas mkha' spyod du gshegs so/ de ltar bshes gnyen ston pa thugs zab la bkyel che ba/ mkhyen pa rgya mtsho lta bu mnga' ba des/ mdo rgyud du ma nas lung bstan pa'i ra sgreng de bod kyi sde pa gang gi yang phyogs su ma chad pa/ bi kra ma la shi la'i gnas chung/ jo bo'i gdan sa/ rnal 'byor pa gong 'og rnams kyi sgrub gnas/ bod kyi spyi mchod cig byung gsung/ de yang sngon gyi yi ge las/ chos kyi rgyal po srong brtsan bgam btsan sgam po byang du mi rgod 'dul ba la byonadus/ ra sgreng du phebs te dbu skra gtor nas/ 'di spos shing rgyas par gyur pa'i tshe