[A:138] zhag bzhi bcu rtsa dgu'i bar du chos rje gung pas gtso mdzad/ dam tshig dang ldan pa'i dge 'dun brgya phrag gcig gis dpal kye rdo rje'i dkyil 'khor bzhengs te sku gdung rin po che la rgyud sde nas ji ltar bshad pa ltar gyi gsol ba 'debs pa dang / ldan ma mang po sogs khams pa gra pa du ma yod pa rnams kyang kho rang rnams kyang / lhan cig tu tshogs te gsol ba 'debs par byed/ zla ba de'i nyi shu lnga nas bzung ste zhag gsum gyi bar du/ bdag chen slob dpon chen po kun dga' bkra shis pa'i drung gis gtso mdzad/ dge 'dun nyis stong tsam gyis phyi nang gi dkyil 'khor chen po bzhengs te gsol ba 'debs pa dang / gzhan yang phyogs mtha' dag nas 'dus pa'i skye bo khri phrag gnyis tsam tshogs pa rnams kyis rang rang gi dad pa dang mos pa'i sgo nas gsol ba 'debs par byed cing / de dag thams cad bdag chen shar pa'i drung du 'bul ba rnams stobs che ba/ dge 'dun so so'i phyag tu gser dngul/ gos dar/ mar nas la gzhi blangs pa'i sa skya'i khal 'gyed kyi 'bul ba dang / skye bo gzhan rnams gro bar gyi zan mar bzang tshad thub pa/ khal phyed 'gyed kyi 'bul ba rnams bla brang rang nas bsgrubs/ gzhan yang / rtse gdong bla brang / bla brang shar/ seng ge rtse/ chos rdzong pa/ lha sa pa/ lha khang pa/ gting skyes pa/ gam pa rdzong pa la sogs pa rnams kyis kyang rang rang gi dgongs pa dang bstun pa'i tshar mang ja 'bul ba la sogs pa phun sum tshogs pa bsgrubs shing / zla ba de'i phyi ma'i tshes bco lnga la/ rgyal mkhar rtse nas gser dngul/ gos dar /