[A:139] ja/ snam phrug /go khrab sogs la gzhi blangs pa'i gro bar dril thogs 'gyed khal gnyis ma dang bcas pa bsgrubs shing / khams gtsang dbus gsum gyi grwa pa dad pa dang / 'byor pa dang ldan pa rnams kyis rang rang gi 'byor pa dang bstun pa'i mang ja stong ja la sogs pa bsam gyis mi khyab pa bsgrubs/ mdor na dus phyis kyi gdung brgyud gshegs pa'i gshegs rdzong la bzang ba'i tshad thub pa byung ba yin zhes phyogs kun tu grags so/ /de nas kyang gdung gi drung du bzhi thog bla brang dang / rgyal rtse/ chos rdzong pa sogs kyis dkar me'i 'phreng ba mang po khor yug tu spar ba la sogs pa'i mchod pa'i khyad par bsam gyis mi khyab pa'i rgyun btsugs shing / bla ma mya ngan 'das pa'i tshes grangs dag /nges par bzung ste mchod pa byas gyur na/ /bskal pa bye bar bsags pa'i sdig byang zhing / /bsod nams phung po gzhal du med pa thob/ /ces gsungs pa ltar/ bdag chen shar pas gtso mdzad phyag phyi drung skor ba rnams kyis bdag rkyen do dam mdzad nas/ zla ba byung ngo cog gi tshes bzhi la bab pa'i dus su gsol 'debs zla mchod kun shin tu bzang bar bsgrubs/ de ltar yos lo zla ba dgu pa nas/ dus kyi pho nya zhes bya ba sa pho rta lo zla ba gnyis pa'i bar du/ sku gdung rin po che ril bu gcig tu mchod rten gyi snying por bzhugs shing / de rjes shar gling pa drung chen bkra shis bzang po pas rgya 'bul 'khor te/ gos dar sogs gdan sar slebs pa'i dngos po rnams la gzhi byas/ rta lo zla ba gnyis pa'i tshes bzhi la/ yab rje btsun