[A:143]ma stongs kyi bar du gnas pa dang / lo dus kyi mchod pa bcom ldan 'das kye rdo rje'i sgrub mchod zhag mang du sbrel ba'i rgyun zla ba ngo re bzhin tshes bzhi mchod pa'i mang ja dang bcas pa chag med du bsgrubs/ khyad par du yang bla ma dam pa mnyes par byas/ /bla ma'i drin gyis thob pa yi/ /rgyud lung man ngag sbyin par bya/ /chos 'chad ma gtogs sems can la/ /phan thogs mchog gyur gang yang med/ /ji ltar 'khor los sgyur ba la/ /rgyal sras brgya stong yod mod kyang / /mtshan dang mi ldan rgyal po yi/ /gdung brgyud sob par mi nus na/ /sras kyi 'du shes ga la 'byung / /mtshan ldan gdung sob nub pa la/ /yi rang shin tu dgyes pa ltar/ /slob mas sems can don bsgrubs nas/ /bla ma'i bzhed pa cis mi 'grub/ /bla ma mnyes par byed 'dod na/ /sems can don la rab brtson bya/ /de phyir gcig tu sems can gyi/ /don bsgrub bya'o mi gdab ces/ /zhes dang / bla ma nyin gcig mnyes byas na/ /bskal pa bye ba ther 'bum du/ /byas dang byas bcug yi rang ba'i/ /sdig can bcoms nas sangs rgyas 'gyur/ /ces dang / grub pa brgyad dang 'phrin las bzhi/ /mngon shes spyan lnga rdzu 'phrul gyis/ /gzhan don 'phrin las byed pa yang / /bla ma'i bzhed pa bsgrubs las byung / /zhes gsungs pa ltar bdag chen rdo rje 'chang nyid kyi dgongs bzhed kyi gtso bo snyan brgyud rin po che'i bstan pa mi nub cing rgyas pa'i phyir du/ pha bla ma mkhas grub chen po de nyid kyis nges don zab mo'i ngang las ma g.yos bzhin du/ tshad ma snyan brgyud bzhi ldan gyi