[A:146]lnga brgya song ba na/ bod kyi rgyal rabs nyi shu rtsa bdun pa lha tho tho ri snyan shal gyi ring la dam pa chos kyi dbu brnyes pa yin/ de'i 'phro nas lo bdun brgya bzhi bcu rtsa gnyis lon pa lcags pho stag gi lo/ rngog lo rtsA ba blo ldan shes rab gshegs pa yan chad kyi dus zhang tshe spong chos kyi bla mas brtsis pa na/ de yan chad la sum stong nyis brgya bzhi bcu rtsa gsum 'das par bzhed/ de'i 'phro nas lo lnga bcu rtsa bdun lon pa me pho phag gi lo/ rje btsun rin po che bsod nams rtse mos gung thang na la rtse gnas gsar du chos la 'jug pa'i sgo zhes bya ba'i bstan bcos chen po brtsams pa'i dus rtsis pa na/ de yan la lo sum stong sum brgya 'das par bzhed/ de nas lo lnga bcu song ba me pho byi ba'i lo/ rje btsun rin po che grags pa rgyal mtshan bde bar gshegs pa'i dus dpal ldan sa skya paNDi ta chen pos rtsis pa na/ de yan la lo sum stong sum rgya lnga bcu 'das par bzhed/ /de'i 'phro nas drug cu rtsa gcig song ba me mo glang gi lo la/ chos rgyal 'phags pas chu mig tu chos 'khor chen po mdzad dus brtsis pa na/ de yan la sum stong bzhi brgya dang bcu gcig 'das par bzhed/ de'i 'phro nas lo sum cu rtsa drug song ba chu pho byi ba'i lo la/ bla ma dam pa thams cad mkhyen pa bsod nams rgyal mtshan dpal bzang po 'khrungs/ drug cu rtsa bzhi pa shing mo yos la gshegs/ de nas lo bdun lon pa chu pho khyi'i lo la rdo rje 'chang kun dga' bzang po 'khrungs/ de nyid kyis drug cu rtsa gsum bzhes pa shing pho byi ba'i lo la bdag chen rdo rje 'chang chen po 'di nyid 'khrungs/ lnga bcu rtsa gnyis kyi bar du