[A:55]mnga'/ yongs 'dzin dam pa mang po rab tu bsten nas mdo sngags kyi chos ji snyed pa la thos bsam sgom gsum mthar phyin pa mdzad/ 'chad rtsod rtsom gsum gyi dus 'da' bas gdan sa'i tshogs chen por rnam 'grel/ rigs gter/ mngon pa gong 'og /mdo sde rgyan/ spyod 'jug /thub pa dgongs gsal te thun bdun bdun gsungs/ nyin re la dung thengs bdun bdun 'bud pa byung / gzhan yang gang la gang dgos kyi chos lhug par gsungs nas sangs rgyas kyi bstan pa ches cher gsal bar mdzad pa yin/ gong nas tA dben gu shri'i mtshan dang / shel tham tho shu dang bcas pa gnang / bstan bcos bod du 'gyur ro cog bzhengs/ phyis su mkhan chen bsod nams grags pa'i drung du gcung dang lhan cig bo dong bya rgod gshongs su bsnyen rdzogs mdzad/ bla ma 'di nyid las dag pa 'gas 'jam dbyangs sengge la chibs par mthong / dgung lo so bzhi bzhes pa shing pho spre'u'i lo zla ba lnga pa'i tshes bcu gcig la rin chen sgang gong mar bde bar gshegs/ nang rten 'jam dbyangs kyi rten dang bcas pa rin chen sgang na bzhugs so/ /bla ma de pa'i gcung dpal ldan bla ma dam pa bsod nams rgyal mtshan dpal bzang po yab nga gcig pa chu pho byi ba'i lo la zha lu khang gsar du 'khrungs/ dgung lo brgyad pa la che 'don mdzad/ rgyud kyi bshad pa bzhed srol du ma dang bcas pas kun ya mtshan du gyur/ bcu bdun pa la rab tu byung / nyi shu pa la bsnyen rdzogs mdzad/ rang gi yab bdag nyid chen po dang ti shri kun blo/ mkhas btsun nam mkha' legs pa/ ti shri kun rgyal/