[A:67]cad kyi med du mi rung ba'i gzhi chen po ni lhag pa'i tshul khrims kyi bslab pa kho nar dgongs te/ nges par 'byung ba'i thugs kyi bsam pa ston gyi zla ba ltar dkar zhing dri ma med pas kun nas blangs te/ dgung lo bdun pa rab myos zhes bya ba lcags pho rta'i lo la/ byang phyogs shambha la'i rigs ldan grags pa gangs ri'i khrod 'dir ngur smrig gi bla gos kyi rnam par rol pa'i 'jam dbyangs dkon cog bzang po zhes mtshan yongs su grags pa'i nges don rgya mtsho'i mnga' bdag chen po de nyid dge sdengs bla brang du spyan drangs pa'i drung du khyim pa'i rtags mtha' dag bzhi mdo'i rtswa ltar dor zhing ngur smrig gi rgyal mtshan sogs rab tu byung ba'i rtags yang dag par bzhes pa'i sgo nas bar ma rab byung du bsgrubs te/ blo gros rgyal mtshan dpal bzang po zhes mtshan gsol lo/ /de nas dam pa de nyid kyi zhabs phyir 'brangs te nyang stod dpal 'khor bde chen chos sde chen por phebs pa'i tshe bla ma yang rtse ba zer ba'i dpal mgon zhal bzhi pa'i grub thob tu grags pa zhig gis gang zag cig la dpal mgon gyi rjes gnang byas pas 'khu ldog gi rnam pas khong pa zhal lkugs/ ci bya brtol med du gyur nas rje 'di'i drung du thogs med du byon byung nas/ mgo thog tu spyan drangs zer ba'i brda byas 'dug pas/ slob dpon dpal mchog pas rje 'di nyid pang du blangs nas khong gi dbu thog tu bzhag pas de ga'i mod la gsung 'byon pa'ang byung zhing mi phyed pa'i dad pa thob pa sogs ngo mtshar ba'i ltas bsam gyis mi khyab pa byung / dgung lo brgyad pa skyes bdag ces bya ba lcags