[A:69]rnal 'byor gyi byin rlabs/ rnal 'byor dbang phyug gi byin rlabs srung ba dang bcas pa/ dpal dus kyi 'khor lo'i cho ga dbang gong ma sngon du 'gro ba'i sbyor ba yan lag drug pa'i 'khrid/ gsang ba 'dus pa 'phags lugs kyi lha sum cu rtsa gnyis kyi dbang bskur ba/ rim lnga dmar khrid dang bcas pa/ gzhan yang gshin rje gshed dmar po lha lnga/ phyag na rdo rje 'khor lo chen po/ tshe dpag med bu lugs la sogs pa'i dbang gi rigs du ma/ dam pa sangs rgyas kyi bka' 'bum la sogs pa'i lung gi rigs du ma ste/ mdor na rgyud sde bzhi dang rjes su 'brel ba'i chos tshul bsam gyis mi khyab pa zhig gsan par mdzad pa yin no/ /de'i tshe dpal ldan sa skya nas bdag chen kun dga' dbang phyug pas rje nyid gzhi thog gi gdan sar 'byon dgos pa'i zhal ta phebs/ 'jam dbyangs dkon cog bzang po dang rgyal rtse bas kyang skor yang mthun sbyor yang dag mdzad de dgung lo bcu bzhi pa dbang phyug ces bya ba me mo glang lo la yab rje btsun 'jam dbyangs chen pos gtso mdzad/ bdag chen grags pa rgyal mtshan pa khams nas byon pa dang lhan cig tu gdan sa chen por rje btsun kun dga' dbang phyug pa'i drung du phyag phebs te rab tu dgyes pa'i bka' lung gi chos kyi 'khor lo sgyur ba'i rgyal tshab dam par dbang bskur/ rje btsun dam pa de nyid kyi drung du de'i tshe dpal kye rdo rje'i bka' babs chen po bzhi'i dbang bskur ba sogs gsan cing / gzhan yang snga phyir du bdag med lha mo bco lnga'i dbang / nA ro mkha' spyod kyi byin rlabs/