[A:93] bya 'gyur/ gdan sa chen po rnams su sku mtshams kho na la bzhugs nas/ rim gnyis zab mo'i ting nge 'dzin gyi nyams bzhes dang / rig sngags zab mo'i bsnyen sgrub sogs la rtse gcig tu brtson par mdzad pa yin no/ /dus rgyun du nyin zhag re'i nang gi nyams bzhes kyi rim pa'ang dpal ldan sa skya pa'i nyams bzhes kyi snying po lam zab mo bla ma'i rnal 'byor/ dpal kye rdo rje'i phyi nang gi bskyed pa'i rim pa lam dus kyi dbang blang ba dang bcas pa bzlas brjod kyi mtha' brgyan pa/ rdo rje rnal 'byor ma nA ro mkha' spyod kyi bskyed rdzogs rnal 'byor dang bcas pa/ rnal 'byor dbang phyug gi sgrub thabs thun mong dang thun mong ma yin pa bsrung ba dang bcas pa ste chag med bzhi ru grags pa rnams dang / ma rgyud 'khor lo bde mchog lo nag dril gsum gyi bskyed rdzogs rnal 'byor dang bzlas pa dang bcas pa/ pha rgyud kyi nyams bzhes bcom ldan 'das gshin rje gshed dmar po lha lnga'i bskyed rim/ rdzogs rim shin tu spros med kyi rnal 'byor dang bcas pa/ dpal rdo rje 'jig byed kyi bskyed rim bzlas pa dang bcas pa rnams/ thun bzhi'am gnyis kyi rnal 'byor gang rigs thugs skabs dang sbyar te mdzad/ gzhan yang tshe dpag med la sogs pa'i lha'i rnal 'byor du ma dang / mdun bskyed kyi maNDal sgrub mchog sngon du 'gro ba'i sgo nas bstan srung dbang po rnams kyi bsnyen sgrub mchod gtor/ bskang gso'i rim pa dang bcas pa 'chag med du mdzad/ thun 'tshams rnams su'ang bzlas pa/ gtor ma/ gsung rab klog pa/ sAtstsha 'debs pa/ skor ba mdzad pa/ snod