[A:94]ldan gyi slob ma la chos kyi 'khor lo bskor ba sogs mdor na chos spyod rnam pa bcu'i nyams len gyis dus 'da' zhing / de thams cad kyang lta ba 'khor 'das dbyer med kyi nyams bzhes dang ma bral ba'i ngang nas rnal 'byor rnam pa bcu'i lam du bsgyur bar mdzad pa yin no/ /de ltar su dag nags khrod dben par dga' ba yi/ /dge sbyong de ni shin tu bde ba myong / /zhes dang / tshul khrims yongs su dag par rab gnas te/ /bsam gtan bsam mi khyab la rtag gnas shing / /su dag nags khrod zhi bar dga' ba ni/ /de dag nam yang yid gnyis 'ong mi 'gyur/ /ces gsungs pa ltar/ dben pa'i ri khrod rnams su tha mal gyi spyod pa lta ci smos/ gnyid dang le lo la sogs pa'i btang snyoms kyi ngang du'ang cung zad tsam yang mi gnas par rtse gcig tu nyams su len pa la brtson par mdzad pa'i mthus/ so sor thar pa'i nyams len gyi gtso bo lta ba bka' rtags kyi phyag rgya bzhi thugs rgyud la 'khrungs pa'i 'khor ba mtha' dag sdug bsngal gyi rang bzhin me 'obs lta bur bde ba'i skabs med pa dang / mi rtag cing g.yo ba'i rang bzhin nges pa med pa rmi lam gyi snang ba ltar gzigs pas/ 'jig rten chos brgyad kyi rtogs pa mtha' dag mkha' la sprin dengs pa ltar song zhing / de'i stobs kyis/ bung bas me tog sbrang rtsi bzhin/ /chos kyi don tsam blangs nas ni/ /kun la sngon chad ma mthong zhing / /'dris pa med par 'dug par bya/ /zhes dang / phrad na dga' bas mgu byas te/ /'dris chen nyid du mi 'gyur bas/ /tha mal pa tsam nges par bya/ /zhes gsungs pa ltar/ 'jig rten sde dpon la sogs pa gang la yang