[A:96]chos don du gnyer ba zhum zhing nyam dma' ba dag byung na sku mtshams 'og tu yang 'jal ka thogs med du gnang zhing / mjal ma thag nas dgyes tshor chen po dang bcas te lugs gnyis kyi sgo nas de'i sems bsrung ba la brtson par mdzad par yin no/ /rig 'dzin sngags kyi sdom pa'i nyams len mthar phyin pa'i rtags/ phyi nang snod bcud thams cad lha dang gzhal yas khang gi rnam par thogs med du 'char zhing / de dag kyang gsal stong dang / bde stong dang / rnam kun mchog ldan gyi stong nyid kyi ngang du nyams su myong zhing rol par mdzad pa yin la/ skal ldan gyi slob ma dag la'ang dang por ting nge 'dzin skye ba'i rgyu'i gtso bo lus gnad 'di bzhin du bya zhing bsgom/ de ltar byas pas sems la rtog pa 'di ltar du 'char/ de la bogs 'don na 'di ltar du bya/ gegs kyi rnam pa 'di lta bu byung na gegs sel gyi dmigs pa 'di lta bu nyams su len gsung ba la sogs pa 'khrul med kyi gdams pa zab mo'i sgo nas phyogs gzhan du mi 'khyams par phyag rgya chen po mchog gi dngos grub kho na la sbyor ba mdzad pa yin no/ /gzhan yang gang zag 'ga' zhig la dam pa 'di'i chos kyi grwar sleb pa dang / zhal mthong ba dang / gsung thos pa tsam gyis ting nge 'dzin khyad par can ngang gis skyes pa dang / dbang gi dus su ye shes thog babs su babs te lus 'phar g.yo dang ngag saM skr-i ta'i skad du smra ba dang / sems la spros bral gyi ye shes su 'char ba sogs phal cher la 'byung bar snang zhing / thun mong gis las bzhi sgrub tshul gyi