[A:111]sgrub pa gnang bas grum pa'i lung nang thams cad dri bzang gis khyab pa dang / mkha' 'gros dam tshig gi rdzas la me tog gi char 'bebs pa sogs ngo mtshar ba'i ltas bsam gyis mi khyab pa byung / khyad par du gong bu'i grub pa tshugs pa nas bzung ril bu'i sgrub pa mthar ma phyin gyi bar la thog mtha' bar gsum du sgra shin tu gsal bas ril bu khar song ba'i sems can thams cad skye ba bcu gnyis tshun la nges par 'tshang rgya ba yod do zer ba'i mkha' 'gro'i lung bstan khyad par can thob pa sogs gegs med du mthar phyin/ de nas khro bo zhes bya ba shing pho 'brug gi lo nas phur bu zhes bya ba sa pho spre'u'i bar lo lnga'i ring la khams gtsang gi gra pa so so'i blo rigs dang bstun te/ lo re'i nang du gsung ngag rin po che tshar gnyis gnyis tsam gyis gtso byas gang la gang 'dod kyi chos kyi 'khor lo rgyun mi 'chad pa bskor ba mdzad/ zhi ba zhes bya ba sa mo bya'i lo dgun sa bzang dgon par phebs te/ rje btsun rdo ring pa chen pos gtso mdzad khams gtsang gi gra pa skal pa mchog tu gyur pa thog mar brgya phrag lhag pa tsam la gsung ngag rin po che slob bshad kyi man ngag yongs su rdzogs pa zla ba bco brgyad kyi bar du gnang / thun mong zhes bya ba lcags pho khyi'i lo la yang bzhi thog tu phebs nas gsung ngag tshar gcig gnang bar mdzad do/ /ji ltar rdo rje btsun mo'i chu skyes su/ /he ru kaHdpal 'khor lo'i dbang phyug gis/ /mchog gi dpa' bo rnal 'byor ma tshogs la/ /gsang chen rdo rje'i chos 'khor bskor ba ltar/ /mkhas mang ngang mo 'dus pa'i chu