[A:41]tan rtogs pa brjod pa'ang don dang ldan cing gleng bar bya ba'i 'os yin te/ ji skad du/ bcom ldan 'das kyi mdo las/ 'di ltar 'jig rten na rigs thams cad kyi bla mar gyur pa shAkya rnams kyi skyes pa'i rabs bzung zhing kun chub par byas nas gzhan la yang rgya cher bsnyad na chos dang mthun pa'i bsod nams kyi phung po dpag tu med pa 'byung la/ yon tan bsam gyis mi khyab pa 'phel bar byed pa yin no/ /zhes gsungs pa lta bu dang / rgyud las kyang / slob dpon yon tan gleng bya yin/ /skyon rnams nam yang ma yin no/ /zhes dang / skyon brjod pas ni dngos grub med/ /chu la 'o ma rang zhugs pa/ /de bton nas ni ngang pas 'thung / /de ltar bla ma'i yon tan bzung / /til dang gseg ma bsres pa las/ /gseg ma dag la bro med dang / /til bsdus nas ni khu byug za/ /de ltar bla ma'i yon tan bzung / /de ltar kha mkhan mkhas pa yis/ /til sogs mar khu 'jur ba yin/ /bla ma'i yon tan gzhung la bzung / /skyar mos mtsho la nya len bzhin/ /bla ma'i yon tan rnam thar bzung / /zhes dang / sangs rgyas dang byang chub sems dpa' ganggA'i klung gi bye ma snyed la bskal pa ganggA'i klung gi bye ma snyed du bsnyen bkur ba bas ni/ rdo rje slob dpon gyi ba spu'i bu ga gcig la til mar gyis byugs pa'i bsod nams ches khyad par 'phags so/ /zhes dang / lha sku bye ba stong bsgoms pas/ /bla ma dran pa bsod nams che/ /zhes dang / 'phags pa klu sgrub kyis/ rim pa lnga pa las/ mchod pa thams cad spangs nas ni/ /bla ma mchod pa yang dag brtsams/ /de mnyes pas ni kun mkhyen pa'i/ ye shes mchog ni thob par 'gyur/ /ces gsungs pa ltar/ dus gsum gyi sangs rgyas thams cad kyi yon tan brjod pa bas/ rdo rje slob dpon gyi yon tan cha shas tsam brjod pa'ang bsod nams ches cher grub pa yin no/ /rab 'byams rgyal