[A:120]zlar mi bzod kyang / /'di yin med pa khengs rnams gnyid byos shig /bdag chen rdo rje 'chang chen po'i rnam thar yid 'phrog utpa la'i do shal zhes bya ba las yul dbus kyi sman ljongs su byon nas rong ston thams cad mkhyen pa'i bstan pa'i srog shing bzung ba'i skabs te dgu pa'o// //yongs rdzogs bstan pa'i bdag por khyod gyur nas/ /legs sbyangs mkhas pa'i bya ba rnam gsum gyis/ /dri med bstan pa'i byi dor nyin mtshan du/ /nam yang g.yel ba med la phyag 'tshal lo/ /slar yang byi lo zla ba drug pa'i nang du/ rje btsun rdo ring pa chen pos gdan 'dren gyi do dam mdzad/ dro sa dgon pa nas stod lung gi phu ser sdings su phyag phebs/ der zla ba gcig bzhugs/ dgon pa rnams dang khams ru mang po yod pa rnams la'ang gsung chos kyi bka' drin stsal/ de nas phebs lam 'o yug la gnang / stag gru kha nas gzhung 'grims mdzad nas skyed lhas su phebs/ re zhig gi bar sku mtshams dam par la bzhugs/ der rjes sa skyar phebs nas/ gdan sa rnams la'ang sku skyes kyi mang ja 'gyed bcas phun sum tshogs pa gnang / slar yang bag yod ces bya ba chu mo glang gi lo la skyed lhas su sku mtshams dam par bzhugs/ lo de'i mjug la sa skya bla brang shar du phebs te khams gtsang gi grwa pa don gnyer mang du tshogs pa rnams la gsung ngag rin po che la sogs pa zab chos du ma gnang nas tshim par mdzad/ kun dga' zhes bya ba shing pho stag gi lo'i zla ba gnyis pa la dge sdings nas rje btsun gcen sku khams mi bde ba la brten nas gdan 'dren byung bas phebs/ mjal ma thag rje btsun