[A:123]po rnams so/ /'dzam gling yongs su grags pa'i mkhas mchog chen po lnga ni/ rig gnas chen po lnga la mkhas pa'i pha rol tu phyin pa'i ma hA paNDi ta shAkya mchog ldan dri med legs pa'i blo gros/ mdo sngags bstan pa'i mnga' bdag kun mkhyen go bo rab 'byams pa bsod nams seng ge /bde bar gshegs pa'i gzhung lugs rab 'byams kyis mgrin par brgyan pa'i 'jig rten kun gyi mig tu gyur pa mi nyag gi paNDi ta grags pa rdo rje/ sde snod rgya mtsho'i pha rol tu son cing smra ba po gzhan gyis 'gran par mi nus pa'i mkhas pa chen po gzhu pa bsod nams rin chen/ rje btsun 'jam pa'i dbyangs kyi mkhyen brtse'i zer gyis blo gros kyi padma kha bye bas gzhung lugs mtha' dag rang stobs kyi tshul bzhin du 'grel bar nus pa'i rtsi thang rab 'byams pa sangs rgyas lhun grub rnams so/ /gangs can chen por grags pa'i skyes bu gnyis ni/ sa skya 'khon gyi gdung brgyud bdag chen bsod nams rgyal mtshan/ shar pa 'jam dbyangs chen po'i gdung brgyud bdag chen slob dpon chen po kun dga' bkra shis so/ /gsung gi gsang ba 'dzin pa'i dam pa brgyad ni/ /chos grwa chen po dpal 'khor bde chen gyi mkhan po bde ba'i 'byung gnas/ de'i zur chos pa rkyang 'dur chos rje/ rnal 'byor gyi dbang phyug dkon mchog dpal ba/ mkhas pa'i dbang po bsod nams blo gros pa/ /mkhas mchog rab 'byams dbang po dkon mchog tshul khrims pa/ mkhas shing grub pa'i dbang phyug chos rje chos skyong rgyal mtshan pa/ zab mo'i bka'