[A:125] bstan pa stobs kyis zin pa'i sbyin bdag kyang / mthu stobs dbang phyug rga a gnyan dam pa'i rigs su 'khrungs pa bdag chen bkra shis rab brtan dpal bzang po yab sras gsum/ rigs ldan pad ma dkar po'i rnam 'phrul bdag chen rnam rgyal grags pa bzang po yab sras/ lho pa dpung dmar can gyi gdung brgyud kun dga' rnam rgyal dpal bzang po sku mched/ dpal ldan sa skya'i nang chen bi mA la dkar po'i rigs brgyud mi bskyod rnam rgyal ba yab sras/ khri skor bcu gsum la dbang bsgyur ba'i dpon chen ag glen gyi brgyud pa rdo rje tshe brtan pa yab sras/ /bstan pa la mi phyed pa'i dad pa can chos skyong rgyal po yab sras/ shang kha ba'i gdung brgyud thugs rje rgyal mtshan pa khu dpon/ 'a zhwa rgyal brgyud rtsis gnas gsar ba chos rgyal ba mes dbon/ rgya ma khri dpon gyi brgyud pa nam mkha' tshe brtan pa sku mched gnyis dang / rgyal chen rtse ba lha rgyal don grub pa yab sras chen por rlom pa du mas zhabs kyi padma la gus pas 'dud cing / skal bar 'tshams pa'i bka' drin nos par byas pa yin no/ /rtsod pa'i sgo nas bstan pa gsal bar mdzad pa'i tshul ni/ spyir rtsod pa zhes bya ba tshad mar gyur pa'i gzhung lugs rnam par dag pa dpang du btsugs te/ lung dang rigs pa'i sgo nas rang gi 'dod pa bsgrub cing / phyogs snga ma sun 'byin par byed pa yin la/ de yang rje btsun dam pa 'dis/ rdo rje theg pa'i gzhung lugs las brtsams te phyogs snga ma dbugs dbyung ba'i tshul cung zad bsnyad na