[A:126]gsung ngag lam 'bras la 'dris pa kha cig gis/ snang ba gsum gyi khrid kyi sngon du rgyu dus kyi dbang 'gro dgos par rnal 'byor gyi dbang phyug brgyud pa dang bcas pa'i dgongs pa mtha' gcig tu nges pa yin no zhes 'chad pa la/ rje nyid kyis 'o na/ pha rol phyin pa'i gzhung lugs mdor bsdu na/ snying po don gyi man ngag 'di dag yin/ /de tsam gyis ni blo gros ma khengs pa'i/ /blo chen sbyangs pa zab mo dag la mos/ /rdo rje 'chang chen myur du thob 'dod na/ /de la rdo rje theg pa sbyin par bya/ /bla ma brgyud pa dang ldan rgyud don rig /dam tshig mchog bsrungs man ngag du mas brgyan/ /snying rjes rgyud brlan bstan bcos du ma shes/ /de yi zhabs bsten gsol ba lan mang btab/ /de yi nang nas dkyil 'khor chen po ru/ /zhugs la dbang bzhi po rnams rdzogs par blangs/ /zhes gsungs pa 'di ji ltar drang / zhes gsungs pa na/ de na re de ni gsung ngag rin po che'i khrid kyi rim pa ma yin no/ /zhes zer ba na/ 'o na gang gi khrid yin gsungs pas/ /lan med cing mi smra ba'i brtul zhugs la 'god par mdzad do/ /yang mkhas pa chen po kha cig gis/ mngon par rtogs pa tshul bco lnga pa ngos 'dzin pa'i skabs su/ bdag med rnal 'byor ldan pa'am/ /zhes sogs kyi lung 'ga' zhig la brten nas/ le'u brgyad pa nas gsungs pa'i rje btsun yum gyi mngon par rtogs pa de yin par bzhed pa la/ rje nyid kyis yab kyi mngon par rtogs pa 'dren pa'i skabs su/ yum gyi mngon par rtogs pa ngos