[A:127]'dzin pa ni 'brel med pa yin la/ yab kyi skabs yin par yang / phyi ma'i le'u lnga par/ bdag gi dkyil 'khor khyod bshad na/ /khyod kyi dkyil 'khor ji ltar lags/ /zhes yab kyi mngon par rtogs pa dris pa'i lan gyi skabs su/ dag ldan las/ mngon par rtogs pa bco lnga po 'brel chags su dkyus gcig la bgrang zhing 'di la dgongs nas/ glegs bam gyi yig chung zhib par rgyud nyid kyi steng du rtogs par bya'o/ /zhes dang / rdo rje 'chang chen po nyid kyis kyang / gnad kyi zla zer du 'di kho na ltar bshad bzhin du/ yod pa'i sgo bor nas med pa'i srang 'cham pa la dgos pa ci zhig yod ces gsungs pa dang / yang mkhas pa kha cig gis/ thugs bsam legs par btang ba'i grub mtha' gsar pa 'bur dod kyi lugs su byas pa'i sngags sdom thob mtshams la kye rdor lta bu la mtshon na/ bum dbang rdzogs par thob pa tsam gyis sngags sdom rdzogs par thob pa ma yin te/ dbang gong ma gsum gyi gnas skabs su yang / rang rang gi ngo skal gyi sngags sdom gsar thob re yod cing / dbang bzhi rdzogs pa na/ bskyed rdzogs kyi sdom pa gnyis kyang rdzogs par thob pa yin no/ /zhes bzhed pa la/ bdag nyid chen po 'dis 'o na/ rdo rje rnal 'byor ma'i byin rlabs kyi skabs su'ang sngags sdom gsar thob cig yod par 'gyur te/ dbang gong ma gsum la brten nas sngags sdom gsar thob cig yod pa gang zhig /de gnyis mtshungs par rje btsun rin po ches rtsa ltung 'khrul spong du gsal bar gsungs pa'i phyir 'dod mi nus te/ de