[A:10]zhing / khyad par dpal rdo rje gzhon nu'i smin grol rnams zhus te rim gnyis bzlas pa dang bcas pa lhur mdzad/ rtsis kyi mchod rten nag po nas slob dpon chen po padma'i bsnyen phur me 'bar bzhin pa gter nas spyan drangs/ dgung lo brgyad cu gya lnga bzhes nas kyang sku yang zor che zhing / dbang po dngas pa sogs grub pa'i mtshan mas phyug pa zhig yin la/ de'i gcung nang so mgon po rin chen pa ni/ blo rtsal dang gdong ngar bsam gyis mi khyab pas/ skyes thog de la 'gran par phod pa su yang ma byung zhing / dpal phyag na rdo rjes rjes su bzung / nag po chen po dngos su zhal gzigs pas thal mo brdabs pa tsam gyis log par lta ba rnams tshar gcod nus pa dang / bya glag sogs kyis sems can la gnod pa byed pa gzigs pa na dgug gzhug gi phyag rgya sngags dang bcas pa mdzad pa tsam gyis sa la lhung yong ba sogs drag sngags kyi nus pa mthar phyin pa zhig byon/ gsum pa ni/ 'jam dbyangs kun dga' blo gros zhes bya ste/ bde bar gshegs pa'i gsung rab rab 'byams kyis mgur gyi bum par phyug cing / rig pa'i lta zer gzhan gyis mi bzod pas/ mkhas pa dang rlom pa'i skye bo phal mo che'i snying 'dar bar byed pa'i spobs pa can/ gnas gsar chos mdzad ces gangs can gyi ljongs na nyi ma ltar grags pa de nyid yin no/ /lcam che ba ni slob dpon padmas sgrol dkar gyi sprul par lung bstan zhing sde srid chen po shar pa ba'i khab tu byon/ phyogs de'i gsang sngags rnying ma pa mtha' dag gi dpung gnyen mdzad/ rnying ma'i rgyud 'bum bzheng pa dang / paN chen 'bum phrag gsum pa spyan drangs nas bka' brgyad kyi chos 'khor bskor ba'i bdag rkyen la brten nas deng sang gi bar du/ sngags