[A:9]ldan shes rab la gser srang bcu bdun phul nas rgya gar du brdzangs/ mkhas par gyur nas mchod yon mdzad par zhal bzhes pa bzhin/ rngog lo chen po bod du byon dus/ chos 'khor thog ma yang 'dol chung du skor/ khyad par jo bo blo gros kyis slob dpon chen po padmas byin gyis brlabs shing / nag po chen po mngon du bzhugs pa'i gnas/ nyang bar rtsis kyi lha khang zhes bya ba'i 'gram du gnas gzhi btab pas gnas gsar du grags pa der bzhugs nas lugs gnyis kyi bya ba rgyas par mdzad pas rtsis gnas gsar pa zhes yongs su grags/ 'a zhwa nam mkha' rgyal mtshan/ nam mkha' bzang po/ shAkya seng ge sogs kyis dpal ldan sa skya pa'i zhabs 'degs mdzad/ chos kyi rgyal po 'phags pa rin po che dang / ti shri kun blo sogs kyis nyang gzhung tshang ma la shes su bcug pa'i 'ja' sa/ gser gyi dam kha/ shel gyi nyi shan/ dngul gyi sgor mo lung dang bcas pa'i lung lag rtags rim par gnang ste gnas gsar stong dpon du grags/ mdor na che gnyan btsun gsum 'dzom pa rgyal po'i brgyud pa/ mthu rtsal nus par ldan pa sngags pa'i brgyud pa/ dpal rtsal gdong ngar dang ldan pa ge sar gyi brgyud pa zhes yon tan gyi ldog pas gsum du phye ba tshang ba zhig rim bzhin byon pa las/ stong dpon kun dga' rdo rje'i sras nang so chos kyi rgyal po'i khab tu/ dpal ldan sa skya pa'i bdag mo rdo rje phag mo'i rnam 'phrul du grags pa dpal ldan 'dzom pa phebs pa las sras lcam sring brgyad bltams pa'i bgres pa nang so rnam rgyal dpal bzang po ba ni/ rang gi zhang po bdag chen 'jam dbyangs chen po yab sras gsum las zab chos du ma gsan