[A:11]'chang rnams gzhan las khyad du 'phags pa'i rgyun ma nyams pa sogs bstan pa la bya ba lhag par mdzad/ gcig ni bka' brgyud bstan pa'i bdag po 'brug pa dpon rin po che'i khab tu bzhes nas yum bdag med ma'i rnam 'phrul du grags/ lcam gsum gyis 'jig rten bya ba sgrub par dka' la 'grub kyang don med pa/ sdug la skyid por 'dzin pa'i zir long thams cad rgyab tu bor nas sgrub pa snying por mdzad de/ de yang gcig gis ni bdag chen rdo rje 'chang chen po'i zhabs bsten nas/ gsung ngag rin po che la thugs dam snying por mdzad de/ sku gshegs pa'i tshe/ snyel ba sogs ci yang med par/ tshes bzhi mchod pa'i nyin/ cung zad tsog pur bzhugs 'dug pa'i tshe/ thag sgra dang bcas dbu gtsug nas thod pa sor bzhi tsam gar song med par rgya mthong phye ba ha re las pa de lta bu'i ngang nas 'da' kha mas grub mtha' snyogs pa yin la/ gnyis kyis ni/ shar ka thog chos kyi rgyal po bzhag bla ye shes 'bum dang / mchog gi sprul sku padma gling pa mnyes par mdzad de/ chos nyid zad pa'i snang ba mthar phyin pa'i rnal 'byor dbang mo kun dga' chos ldan dang / ne gu chos kyi sgron ma zhes grags pa gnyis byung bar gda'/ de las nang so sku mched kyi khab tu/ dpal ldan sa skya pa'i nye gnas chen po nang so lha khang chen mo ba'i sras mo dpal 'dzom pa zhes bya ba khab tu bzhes pa las/ bdag gi yab bltam pa yin te/ de ni byis pa'i dus nyid nas rgan pa'i skye bo