[A:13] rang la gnod pa'i klu gdug pa can zhig 'dul ba sogs mdzad/ skabs shig tu 'bri mtshams kyi gam pa rdzong zhes bya bar phyag na rdo rje'i bsnyen pa mdzad pa na/ mar me snum med kyang yun ring du 'bar ba dang / res 'ga' thun mtshams kyi zhal 'phros mdzad pa na mar me mnal 'gro zhing / thugs dam la bzhugs pa na sgron mkhan med par gsal gyis 'bar ba dang / dri bzang pos nang khengs pa sogs byung zhing / khyad par snying rje byang chub kyi sems sems can la dmigs pa'i rnam pa can bcos min du 'khrungs/ klu 'bum gnya' khri'i gdan rnams shin tu gsal bar gzigs/ mnal lam du khyod khyung 'di la zhon nas ri rab la skor ba gsum byas pa'i mthar lcang lo can du 'gro'o zhes pa'i lung bstan gsal bar thob/ dus de nas bzung ste lhag pa'i lhar bzung ste bsnyen sgrub kho nas dus 'da' bar mdzad/ sde srid seng ge rtse pa'i nang blon thogs shig mdzad de/ lugs gnyis kyi zir long nyin mtshan mi phyed pa lta bu dang / bde gzar du mas g.yeng ba dpag tu med pa'i skabs su yang / thugs dam gyi rim pa rnams dang nang gtor bskang gso dang bcas pa gcig kyang 'chag ma myong / skabs shig tu ches bsnyung ba yun ring po zhig byung ba na/ rang gi khu bo chos kyi rje las/ sgrol ma sngo ljang gi rjes gnang gsan pa'i dus/ rje btsun ma ma rgad dwangs pa'i mdog can ri bo tsam zhig dngos su gzigs/ sku nyams bsam gyis mi khyab pa byung / de nas myur du bsnyung ba las grol/ gzhan yang dpal kye rdo rje'i dbang /